قاسىم- جومارت توقايەۆ اقپاراتتىق قاۋىپسىزدىك ماسەلەلەرى جونىندە كەڭەس وتكىزدى

نۇر- سۇلتان. قازاقپارات - قاسىم- جومارت توقايەۆ اقپاراتتىق قاۋىپسىزدىك ماسەلەلەرى جونىندە كەڭەس وتكىزدى، دەپ حابارلايدى اقوردانىڭ باسپا ءسوز قىزمەتى.

ۆەدومستۆولاردىڭ جانە قۇقىق قورعاۋ ورگاندارىنىڭ باسشىلارىنىڭ قاتىسۋىمەن وتكەن جيىندا جامبىل وبلىسى قورداي اۋدانىندا بولعان وقيعاعا بايلانىستى الدىن الۋ جانە اقپاراتتىق جۇمىستار جونىندەگى ماسەلەلەر قاراستىرىلدى.

مەملەكەت باسشىسى قۇقىق قورعاۋ ورگاندارىنا الداعى ۋاقىتتا مۇنداي وقيعالارعا جول بەرمەۋ ءۇشىن كەشەندى شارالار قابىلداۋدى تاپسىردى.

قازاقستان پرەزيدەنتى جالعان اقپارات تاراتۋ جانە ارانداتۋ سيپاتىنداعى كەز كەلگەن ارەكەتتىڭ جولىن كەسىپ، اقپاراتتىق كەڭىستىكتەگى جۇمىستاردى كۇشەيتۋدى تالاپ ەتتى.