ۇيالاستارىنا ەكپە جاسايتىن جاندىك
جانۋارلارعا ءبىلىم بەرىلمەگەنىمەن، ولاردا تۇيسىك بار. ال تۇيسىك ەشكىمدى دە الدامايتىنى انىق. عالىمدار ون شاقتى جاندىكتى الىپ، ىندەتپەن قالاي كۇرەسەتىنىن زەرتتەۋ ءۇشىن تاجىريبە جۇرگىزگەن ەكەن. زەرتتەۋگە قۇرت، تەرميتتەر مەن قۇمىرسقانىڭ بىرنەشە ءتۇرىن العان. سوڭعىلارى - يسپانيا، يتاليا، گەرمانيا جەرىندە ءومىر سۇرەتىن قۇمىرسقالار. ولاردى زەرتحانادا قولدان جاسالعان يلەۋگە ەنگىزگەن. ال زەرتتەۋگە الىنعان «قۇرباندىق يەلەرىنە» عالىمدار جاندىكتەر ءۇشىن ەڭ قاۋىپتى قوتىر - Metarhizium anisopliae ساڭىراۋقۇلاقشاسىن «ەگىپ» ، اۋرۋ جۇقتىرادى. قۇمىرسقانىڭ ءاربىر كولونياسىنان دا ءبىر- ءبىر قۇمىرسقا تاڭداپ الىپ، جاڭاعى اۋرۋدى ولتىرەتىندەي دوزاسىن اعزاسىنا ەگىپ، بەس كۇن بويى باقىلاۋعا الادى. ال اۋرۋدىڭ قالاي جۇققانىن قاراپ وتىرۋ ءۇشىن بيولوگتار ساڭىراۋقۇلاقشانىڭ گەنىنە ارنايى د ن ق ورنالاستىرعان كورىنەدى. تاجىريبەنى ⅩⅩعاسىرداعى تانىمال يممۋنولوگ عالىم، نوبەل سىيلىعىنىڭ يەگەرى يليا كرەمەر جۇرگىزگەن.
كرەمەر مەن ونىڭ ارىپتەستەرىن تاڭقالدىرعان نارسە قۇمىرسقانىڭ باۋىرمالدىعى بولدى. ويتكەنى تەرميتتەر مەن قۇرتتار اۋرۋ جۇقتىرعان «اعايىندارىنان» ەتەگىن الىس ۇستاۋعا، وعان جاقىنداماۋعا تىرىسىپ، كەيبىرى كولونيادان ءبولىپ تاستاسا، قۇمىرسقالار بولسا، كەرىسىنشە، «باۋىرىن» قۇتقارىپ قالۋ ءۇشىن اۋرۋعا شالدىققان قۇمىرسقانىڭ اعزاسىنداعى سپورانى ءبولىپ- ءبولىپ «وزدەرىنە العان» ، اۋرۋدى وزدەرىنە جۇقتىرعان. ياعني، اۋرۋ قۇمىرسقا اعزاداعى «ۆيرۋستاردى» اۋىز قۋىسى ارقىلى باسقا قۇمىرسقالارعا از- ازداپ تاراتىپ بەرگەن. ءسويتىپ، باسقا قۇمىرسقالار دا اۋرۋ بوپ شىعا كەلەدى. عالىمداردىڭ ايتۋىنشا، قۇمىرسقالار مۇنى اعزاسىن جاڭا اۋرۋعا بوي ۇيرەتۋ ءۇشىن، بۇل ۆيرۋسقا قارسى يممۋنيتەت جۇيەسىن قالىپتاستىرۋ ءۇشىن جاساعان. وسىدان قۇمىرسقا مەن ادامنىڭ اۋرۋمەن كۇرەسۋ جولى ءبىر ەكەندىگىنە كوز جەتكىزەمىز. ادامدار دا جاڭا ينفەكسياعا قارسى تۇرۋ ءۇشىن، سول ينفەكتسيانىڭ ازداعان مولشەرىن ۆاكسينا ارقىلى اعزاعا جىبەرىپ، قورعانىس قابىلەتىن ىسكە قوسادى. قۇمىرسقالاردىڭ دا ىستەپ جۇرگەنى - وسى.
Massaget.kz