+7 (701) 759 90 19
-7 °С : نۇر-سۇلتان
-1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

اقوردادا اباي مەن ءال- فارابي مەرەيتويىنا دايىندىق جونىندەگى كوميسسيا وتىرىسى ءوتتى

13 اقپان 18:02
:ءبولىسۋ
اقوردادا اباي مەن ءال- فارابي مەرەيتويىنا دايىندىق جونىندەگى كوميسسيا وتىرىسى ءوتتى

نۇر- سۇلتان. قازاقپارات - بۇگىن اقوردادا ق ر مەملەكەتتىك حاتشىسى قىرىمبەك كوشەربايەۆتىڭ توراعالىعىمەن ابايدىڭ 175 -جىلدىق جانە ءابۋ ناسىر ءال- فارابيدىڭ 1 150 -جىلدىق مەرەيتويىنا دايىندىق جانە وتكىزۋ جونىندەگى مەملەكەتتىك كوميسسيانىڭ وتىرىسى ءوتتى، دەپ حابارلايدى قازاقپارات ءتىلشىسى.

«وزدەرىڭىزگە بەلگىلى، ەل وڭىرلەرىندە وسى ۇلى تۇلعالاردىڭ مەرەيتويلارىنىڭ رەسمي باستالۋى وتكەن ايدا سالتاناتتى جاعدايدا اشىلدى. اتاپ ايتساق، 21 - قاڭتاردا نۇر- سۇلتان قالاسىنداعى «استانا وپەرا» تەاترىندا ەلباسىنىڭ جانە مەملەكەت باسشىسىنىڭ قاتىسۋىمەن ابايدىڭ 175 جىلدىق مەرەيتويىنىڭ العاشقى جىلاشار ءراسىمى وزىندىك مازمۇنىمەن، ەرەكشە سالتاناتىمەن وتكىزىلدى. سونداي- اق 29 - قاڭتاردا الماتى قالاسىنداعى ءال- فارابي اتىنداعى قازاق ۇلتتىق ۋنيۆەرسيتەتىندە حالىقارالىق ۇيىمدار وكىلدەرىنىڭ جانە شەتەلدىك، وتاندىق عالىمداردىڭ قاتىسۋىمەن ءال- فارابيدىڭ 1150 جىلدىق مەرەيتويىن اتاپ ءوتۋدى باستاۋدىڭ رەسمي ءراسىمى ۇيىمداستىرىلدى» ، - دەدى وتىرىستى اشقان مەملەكەتتىك حاتشى.

ونىڭ ايتۋىنشا، اتالعان شاراعا 30 دان استام مەملەكەتتەن دەلەگاتسيا قاتىسقان.


«ءبىزدىڭ ەندىگى ماقساتىمىز مەملەكەت باسشىسى قاسىم- جومارت توقايەۆتىڭ حالىققا جولداۋىندا اتاپ وتكەنىندەي، ءال- فارابيدىڭ 1150 جىلدىق، اباي قۇنانباي ۇلىنىڭ 175 جىلدىق مەرەيتويلارىن ىسىراپشىلدىققا جول بەرمەي عۇلاما تۇلعالارىمىزدىڭ ەڭبەكتەرىن حالىق اراسىندا، عالامدا كەڭىنەن دارىپتەۋىمىز كەرەك. سونىمەن بىرگە مەملەكەت باسشىسىنىڭ تاياۋدا جارىق كورگەن «اباي جانە 21 - عاسىر« اتتى ماقالاسىندا بەلگىلەنگەن كەلەلى مىندەتتەرگە وراي مەملەكەتتىك كوميسسيا جۇمىسىنىڭ جاۋاپكەرشىلىگى ودان ارى ارتا ءتۇستى دەپ ويلايمىن. اتالعان ماقالاعا باسپا ءسوز بەتىندە ءۇن قوسقان زيالى قاۋىم وكىلدەرى مەن وتانداستارىمىزدان اباي مۇراسىن ناسيحاتتاۋعا بايلانىستى كوپتەگەن ۇسىنىستار كەلىپ ءتۇستى. جۇرتشىلىقتىڭ بۇل ۇسىنىستارىن بارشا ورتالىق جانە جەرگىلىكتى اتقارۋشى ورگاندار جۇمىس بارىسىندا قاپەرگە الۋى ءتيىس دەپ ەسەپتەيمىز» ، - دەدى قىرىمبەك كوشەربايەۆ.


قىرىمبەك ەلەۋ ۇلىنىڭ ايتۋىنشا، مەملەكەت باسشىسىنىڭ تاپسىرماسىنا سايكەس، وسى مەرەيتويدى وتكىزۋدىڭ جالپى رەسپۋبليكالىق جوسپارلارى وڭتايلاندىرىلىپ بەكىتىلدى. قازىرگى ۋاقىتتا ىسكە اسىرىلىپ جاتىر.


باستى سوزدەر: ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات