+7 (701) 759 90 19
-5 °С : نۇر-سۇلتان
-1 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

اقتاۋدا قاندالا ۋىنان تاعى دا ءبىر وتباسى ۋلاندى

13 اقپان 16:03
:ءبولىسۋ
اقتاۋدا قاندالا ۋىنان تاعى دا ءبىر وتباسى ۋلاندى

اقتاۋ. قازاقپارات - اقتاۋ قالاسىنىڭ تۇرعىنى كورشىسىنىڭ كەسىرىنەن ەكى قىزىمەن اۋرۋحاناعا ءتۇسىپ قالدى، دەپ حابارلايدى قازاقپارات ءتىلشىسى.

جەدەل جاردەم بريگاداسى 42 جاستاعى ايەلگە جانە 15 پەن 10 جاسار ەكى قىزىنا حيميالىق زاتتارمەن ۋلانعان دەگەن دياگنوز قويعان. وزدەرىن جايسىز سەزىنگەندەرى ەسكەرىلىپ، شۇعىل تۇردە اناسىن وبلىستىق اۋرۋحاناعا، ال قىزداردى كوپبەيىندى بالالار اۋرۋحاناسىنا جەتكىزگەن. ايەلگە ءتيىستى مەديتسينالىق كومەك كورسەتىلگەن سوڭ، ۇيىنە جىبەرىلگەن. الايدا ەكى قىزىن اۋرۋحاناعا جاتقىزۋعا تۋرا كەلدى.

«كەپىلدەندىرىلگەن تەگىن مەديتسينالىق كومەك اياسىندا قىزدارعا بارلىق ەم- دوم شارالارى جاسالدى. جاعدايلارى تۇراقتى. ومىرلەرىنە ءتونىپ تۇرعان قاۋىپ جوق. ەكى- ءۇش كۇندە ۇيىنە جىبەرىلەدى دەپ كۇتىلۋدە» ، - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.

زارداپ شەگۋشى يۋليا مولدوۆاننىڭ ايتۋىنشا، بۇل جاعداي وسىدان ەكى كۇن بۇرىن بولعان.

«كەلگەن بەتتە جاعىمسىز ءيىستىڭ بارىن سەزدىم، ۇيدە ۇلكەن قىزىم بار ەدى، سودان سۇراسام بۇل ءيىستىڭ پايدا بولعانىنا ءبىراز بولعانىن ايتتى. توتەنشە جاعدايلار جانە پوليسيا دەپارتامەنتتەرىنە حابارلاستىم. ولار كەلە سالىسىمەن ءۇيدىڭ يەسىن تاۋىپ، شاقىرتقان بولاتىن. ۇيىنە كىرىپ قاراساق راسىندا دا قاندالانى ۋلايمىن دەپ ەسىگىن كىلتتەپ، وزدەرى باسقا مەكەنجايعا كەتىپ قالعان. نەگە كورشىلەردى ەسكەرتپەدىڭىز دەسە، نە ءۇشىن ەسكەرتۋىم كەرەك دەپ جەڭىستىك بەرمەدى. العاشىندا اۋانى تازارتۋ ءۇشىن بالكونداعى تەرەزەنى اشىپ ءبىر تاۋلىككە قالدىرعان ەدى. ال كەشە ۇيگە كەلسەم تاعى دا تەرەزەنى جاۋىپ كەتكەن، قايتادان جاعىمسىز ءيىستى سەزىندىك. قۇسقىمىز كەلىپ، باسىمىز اينالدى، قىزدارىمنىڭ جاعدايى بىردەن ناشارلاي تۇسكەنىن بايقادىم، ۇيدە وتىرۋ مۇمكىن بولماعان سوڭ جەدەل جاردەم ستانسياسىنا حابارلاستىم. وسىلاي بالالار اۋرۋحاناسىنان ءبىر- اق شىقتىق. ەكى كۇن بولدى، قاجەتتى مەديتسينالىق كومەگىن الىپ جاتىر. دارىگەرلەرگە العىسىم شەكسىز، كۇندىز- ءتۇنى قاسىمىزدا. ەندى كورشىمنىڭ ۇستىنەن شاعىم تۇسىرەمىن، ءتيىستى جازاسىن السىن» ، - دەيدى ول.

ايتا كەتۋ كەرەك، جىل باسىنان بەرى قاندالانى ۋلاۋ كەزىندە كورشى پاتەر تۇرعىندارىنىڭ حيميالىق زاتتان ۋلانۋ بويىنشا بۇل ەكىنشى وقيعا. ال وتكەن جىلى وسىنداي دەرەك بويىنشا جەدەل جاردەم قىزمەتىنە تۇرعىندار 13 رەت تەلەفون شالعان. وكىنىشكە وراي، مۇنىڭ سالدارىنان كوز جۇمعاندار بولدى، ارالارىندا كامەلەتتىك جاسقا تولماعان جانە ەرەسەكتەر دە بار.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات