قاي ءوڭىردىڭ پوليتسەيلەرى جەمقورلىققا بەيىم - اگەنتتىك ەسەبى

None
None
نۇر- سۇلتان. قازاقپارات - ق ر سىبايلاس جەمقورلىققا قارسى ءىس- قيمىل اگەنتتىگى ىشكى ىستەر ورگاندارىنداعى جەمقورلىق قىلمىستار مونيتورينگىنىڭ قورىتىندىسىن جاريالادى، دەپ حابارلايدى قازاقپارات ءتىلشىسى.

«ىشكى ىستەر ورگاندارى جۇيەسىندەگى تەرگەۋشىلەر، ۋچاسكەلىك ينسپەكتورلار، جول- پاتۋرلدىك قىزمەت ينسپەكتورلارى قىلمىستار مەن بۇزۋشىلىقتاردىڭ بەتىن جابۋ ءۇشىن پارا الىپ وتىرعان. تۇزەتۋ جۇيەسىنىڭ قىزمەتكەرلەرى كوبىنەسە سوتتالعانداردى «جەڭىلدەتىلگەن» جاعدايمەن قامتاماسىز ەتۋ ءۇشىن (تەلەفون قولدانۋ، جۇمىسقا ورنالاستىرۋ، تىيىم سالىنعان زاتتاردى تاسىمالداۋ) ، پروباتسيا باقىلاۋىنداعى ادامداردىڭ وبلىس اۋماعىنان تىس جەرلەرگە شىعۋىن جىلدامداتۋ سىياقى العان» ، - دەدى پريەۆەنتسيا دەپارتامەنتىنىڭ باسشىسى انار جاروۆا اگەنتتىكتىڭ باسپا ءسوز ورتالىعىندا وتكەن بريفينگتە.

ونىڭ ايتۋىنشا، توتەنشە جاعدايلار بولىمشەلەرىنىڭ قىزمەتكەرلەرى دە جەمقورلىقتان شەت قالماعان. ولار ءورت قاۋىپسىزدىگى تالاپتارىن ساقتاماعانى ءۇشىن، سونداي- اق جۇمىسقا قابىلداۋ كەزىندە جالپى قامقورلىق كورسەتكەنى ءۇشىن زاڭسىز قاراجاتقا يە بولعان.

سونىمەن بىرگە، سپيكەر پوليتسياداعى سىبايلاس جەمقورلىق قىلمىستارىنىڭ رەسپۋبليكانىڭ بارلىق وڭىرلەرىنە ءتان ەكەنىن، ءبىراق سوڭعى ءبىر جىلدا سوتتالعانداردىڭ ەڭ كوپ سانى نۇر- سۇلتان (42 قىزمەتكەر) ، الماتى (26) ، شىمكەنت (23) جانە جامبىل وبلىسىنىڭ (19) قالالارىنداعى پوليتسيا دەپارتامەنتتەردە بولعانىن اتاپ ءوتتى.

سوڭعى جاڭالىقتار