15:28, 13 - اقپان 2020 | GMT +6
حالىق ساناعى تەحنيكالىق سەبەپتەرگە بايلانىستى ءبىر جىلعا شەگەرىلدى - كوميتەت
نۇر- سۇلتان. قازاقپارات - ۇلتتىق حالىق ساناعىن جۇرگىزۋ تەحنيكالىق سەبەپتەرگە بايلانىستى ءبىر جىلعا شەگەرىلدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ايتىلدى، دەپ حابارلايدى قازاقپارات ءتىلشىسى.
«باستاپقىدا ۇلتتىق حالىق ساناعى 2019 -جىلى ءوتۋى كەرەك دەپ جوسپارلانعان، ءبىراق تەحنيكالىق ماسەلەلەرگە بايلانىستى اقپاراتتىق جۇيەنى جاساپ ۇلگەرمەدىك. سونداي- اق، مەملەكەتتىك ساتىپ الۋ ماسەلەسىن شەشۋگە، ۇيىمداستىرۋ جۇمىستارىنا قاتىستى سۇراقتاردى شەشىپ ۇلگەرمەگەندىكتەن، ءبىر جىل كەيىنگە شەگەردىك» ، - دەيدى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ ءتوراعاسى نۇربولات ايداپكەلوۆ.
ەسكە سالساق، بيىل قازان ايىندا ۇلتتىق حالىق ساناعى وتەدى، ول ەكى كەزەڭنەن تۇرادى. ساناقتى وتكىزۋگە بيۋدجەتتەن 8,2 ميلليارد تەڭگە ءبولىندى. سونداي- اق، بيىلعى حالىق ساناعىندا قاعاز قولدانىلمايدى.