ماسانچيدە قيراعان ۇيىندىلەردىڭ استىنان ادام مۇردەسى تابىلدى

نۇر-سۇلتان. قازاقپارات - قورداي اۋدانىنا قاراستى ماسانچي اۋىلىندا قيراعان ۇيىندىلەردىڭ استىنان ادام مۇردەسى تابىلدى.

بۇل جايىندا جامبىل وبلىسى اكىمىنىڭ كەڭەسشىسى قانات قۇلشىمانوۆ Facebook پاراقشاسىندا جازدى، دەپ حابارلايدى قازاقپارات ءتىلشىسى.

«2020 -جىلدىڭ 11-اقپانىندا ساعات 12:07 دە جامبىل وبلىستىق پوليتسيا دەپارتامەنتىنىڭ كەزەكشى بولىمىنە قورداي اۋدانىنىڭ ماسانچي اۋىلىندا ساۋدا ورتالىعى عيماراتىن (ورتتەن كەيىن شاتىرى قۇلاعان) تازارتۋ كەزىندە قيراعان ۇيىندىلەردىڭ استىنان ادامنىڭ ورتەنگەن مۇردەسى تابىلعاندىعى تۋرالى اقپارات ءتۇستى. ءمايىتتىڭ جەكە باسىن انىقتاۋ ءۇشىن سوت- مەديتسينالىق ساراپتاما تاعايىندالدى. جەدەل الدىن- الۋ شارالارى جۇرگىزىلۋدە»، - دەپ جازدى ول.