قازاقستاندا قانشا زەينەتكەر بار
ق ر ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم ەتكەندەي، 2020 -جىلعى 1 -اقپانداعى جاعداي بويىنشا قازاقستاندا زەينەتكەرلەر سانى 2 ميلليون 222 مىڭ 500 ادامدى قۇرايدى.
زەينەتاقى تولەمدەرىنىڭ ورتاشا مولشەرى (بازالىق زەينەتاقى تولەمدەرىن قوسا العاندا) 2020 -جىلدىڭ 1-اقپانىنا 90502 تەڭگەنى قۇرادى.
ەستەرىڭىزگە سالا كەتەيىك، 2018 -جىلعى 1-شىلدەدەن باستاپ مەملەكەتتىك بازالىق زەينەتاقى تولەمى زەينەتاقى جۇيەسىنە قاتىسۋ مەرزىمىنە قاراي ءار الۋشىعا جەكە تاعايىندالادى.
«ەگەر زەينەتاقى جۇيەسىنە قاتىسۋ ءوتىلى 10 جىل نەمەسە ودان از بولسا، نەمەسە مۇلدەم بولماسا، بازالىق زەينەتاقىنىڭ مولشەرى ەڭ تومەنگى كۇنكورىس دەڭگەيىنىڭ %54 قۇرايدى (2020 -جىلى ەڭ تومەنگى كۇنكورىس دەڭگەيى - 31183 تەڭگە)، سودان كەيىن 10 جىلدان اسقان ءار جىل ءۇشىن ونىڭ مولشەرى %2 ارتىپ وتىرادى. مىسالى، قاتىسۋ ءوتىلى 20 جىل بولعان جاعدايدا بازالىق زەينەتاقى ەڭ تومەنگى كۇنكورىس دەڭگەيىنىڭ %74، 30 جىل - ەڭ تومەنگى كۇنكورىس دەڭگەيىنىڭ %94 قۇرايدى. جۇمىس ءوتىلى 33 جىل جانە ودان دا كوپ بولعان كەزدە، ول ەڭ تومەنگى كۇنكورىس دەڭگەيىنىڭ %100 ماكسيمالدى مولشەرىندە بەلگىلەنەدى. وسىلايشا، ازاماتتىڭ زەينەتكەرلىك جاسقا جەتكەندەگى بازالىق زەينەتاقى تولەمىنىڭ مولشەرى مىندەتتى زەينەتاقى جارنالارى قانشالىقتى تۇراقتى جانە تولىق تولەنگەنىنە بايلانىستى بولادى»، - دەدى مينيسترلىكتەن.
ءوز كەزەگىندە، جاسىنا بايلانىستى زەينەتاقى تولەمدەرىنىڭ مولشەرى (ىنتىماقتى) 1998 -جىلعى 1-قاڭتارداعى جۇمىس وتىلىنە (كەم دەگەندە 6 اي قاجەت) جانە زەينەتكە دەيىنگى كەزەڭدە الىنعان ورتاشا ايلىق تابىسقا بايلانىستى بولادى.