ەرلان قارين ۇلتتىق كەڭەستىڭ جۇمىسى تۋرالى اقپاراتپەن ءبولىستى
«بۇعان دەيىن حابارلاعانىمىزداي، وتكەن اپتادا مەملەكەتتىك ورگاندار بەيبىت جيىندار، ساياسي پارتيالار مەن سايلاۋ تۋرالى زاڭ جوبالارىنىڭ تۇجىرىمىن حالىقپەن تالقىلاۋ ءۇشىن نورماتيۆتى- قۇقىقتىق اكتىلەردىڭ اشىق ينتەرنەت-پورتالدارىندا جاريالاعان بولاتىن. 10-اقپان كۇنى زاڭ جوبالارى ادىلەت مينيسترلىگىنىڭ جانىنداعى قوعامدىق كەڭەستە، سونىمەن قاتار اقپارات جانە قوعامدىق دامۋ مينيسترلىگىنىڭ جانىنداعى قوعامدىق كەڭەستە ساراپشىلاردىڭ جانە ۇلتتىق كەڭەس مۇشەلەرىنىڭ قاتىسۋىمەن تالقىلاندى. پارلامەنتتىك وپپوزيتسيا تۋرالى جانە ق ر قىلمىستىق كودەكستىڭ 130 جانە 174-باپتارىنا نورما ەنگىزۋگە قاتىستى باستامالاردى جۇزەگە اسىرۋ ءىسى جۇمىس تارتىبىندە قارالۋدا»، - دەيدى ەرلان قارين.
ونىڭ جازۋىنشا، ۇلتتىق كەڭەستىڭ كەزەكتى ءۇشىنشى وتىرىسىن وتكىزۋ مەرزىمى مەن وتىرىستىڭ كۇن ءتارتىبىن بەلگىلەۋ ماسەلەسى پىسىقتالىپ جاتىر.
ەسكە سالا كەتسەك، وسىدان بىرنەشە كۇن بۇرىن قازاقستان پرەزيدەنتىنىڭ كەڭەسشىسى پرەزيدەنتتىك باستامالاردى جۇزەگە اسىرۋدىڭ جاڭا كەزەڭى باستالعالى جاتقانىن حابارلاعان بولاتىن.