الماتىنىڭ تۇتىنمەن كۇرەسەتىن قوعامدىق قور قۇرىلدى
قوردىڭ قۇرىلتايشىلارى بەرىك قانيەۆ پەن الەكسەي ني قالاداعى اۋا باسسەينىن بىرنەشە جىل ىشىندە تازارتۋدى قولعا الىپ وتىر.
ول ءۇشىن قوعامدىق قور مەملەكەتتىك ورگاندارمەن، ازاماتتىق سەكتورمەن، قازاقستاندىق جانە شەتەلدىك عالىمدارمەن بىرگە جۇمىس ىستەمەك.
«قازىر الماتىلىقتار ءۇشىن ەڭ باستى پروبلەما - اۋا تازالىعى. ءبىزدىڭ قور قوعامدىق بەلسەندىلەر، عالىمدار، ينجەنەرلەر، ەكولوگيا بويىنشا ساراپشىلار، بۇل پروبلەمانىڭ ورتاق شەشىمىن تاپسا دەيمىز. ءبىزدىڭ ۇيىم كوممەرتسيالىق ەمەس. ءبىزدىڭ ماقساتىمىز قالامىزدى بارلىعىمىز ءۇشىن ءقاۋىپسىز ەتۋ» ، - دەدى بەرىك قانيەۆ.
قور قۇرىلتايشىلارى بۇل قورعا بارلىق ەكولوگيا ماماندارىن تارتقىسى كەلەدى.
«وسى جەردەن ورتاق ستراتەگيا قۇرىلسا دەپ ويلايمىز. وسى تاقىرىپتا سەمينارلار، كونفەرەنتسيالار وتكىزسەك. زاڭ شىعارۋ پروتسەستەرىنە قاتىسىپ وتىرۋعا نيەتتىمىز. بۇل ۇيىم اكىمدىك پەن حالىق اراسىنداعى التىن كوپىر بولماق. مۇندا ەكولوگيالىق مونيتورينگ جۇرگىزىلەدى. حالىقتىڭ ەكولوگيالىق ءبىلىمىن ارتتىرىپ، ەل اراسىندا ەكولوگيالىق ماسەلەلەردى ناسيحاتتاۋدى باستى ماقسات ەتىپ وتىرمىز»، - دەدى قور قۇرىلتايشىلارى.
ەڭ العاشقى قادام رەتىندە زاماناۋي مونيتورينگ جۇيەسىن جاساۋ ۇيعارىلدى. بۇل جۇيە دۇنيەجۇزىلىك دەنساۋلىق ساقتاۋ ۇيىمى رۇقسات بەرگەن ادىستەمەلەردىڭ نەگىزىندە جاسالادى.
ەسكە سالساق، بۇعان دەيىن الماتى اكىمدىگى قالادا 517 مىڭنان استام كولىك تىركەلگەنىن حابارلاعان ەدى. ودان بولەك، كۇن سايىن قالاعا 250 مىڭعا جۋىق كولىك كىرەدى. سوندىقتان دا قالا اتموسفەراسىنا شىعارىلاتىن زياندى زاتتاردىڭ دەڭگەيى جوعارى.
سونداي-اق، ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ الماتى اۋاسىنىڭ لاستانۋى بويىنشا مالىمدەمە جاسادى.