+7 (701) 759 90 19
-7 °С : نۇر-سۇلتان
-1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

قازاق سۋسىندارىنىڭ ەمدىك قاسيەتى

13 اقپان 13:53
:ءبولىسۋ
قازاق سۋسىندارىنىڭ ەمدىك قاسيەتى

نۇر-سۇلتان. قازاقپارات - قازاق حالقىنىڭ ۇلتتىق تاعامدارى پايدالى دارۋمەندەر مەن مينەرالدارعا باي، سونىمەن بىرگە كوپتەگەن اۋرۋ تۇرلەرىنە دە ەم.

تاعامداردىڭ ەمدىك قاسيەتى جونىندەگى ۇعىم مەديتسينادا پايدا بولماي تۇرىپ- اق اتا- بابالارىمىز قىمىز، شۇبات ءىشىپ كوپتەگەن دەرتتىڭ الدىن العان.

قىمىز

قۇرامى اقۋىز، ماي، كومىرسۋتەك (لاكتوزا)، ناتري، كالي، فوسفورعا باي. سونىمەن قاتار، وندا ادام اعزاسىنا اسا قاجەتتى دارۋمەندەر وتە كوپ. ولار: ا، ۆ1، ۆ، ۆ12، س دارۋمەندەرى. قىمىزدىڭ ەمدىك قاسيەتتەرىن ەجەلدەن بىلەتىن اتا- بابالارىمىز اس قورىتۋ جۇيەسى اۋرۋلارىن، قان ازدىق، مەشەل، قۇرت اۋرۋلارىن، اسقازان جاراسىن، جۇرەك، قانتامىر اۋرۋلارىن جانە اتەروسكلەروزدى ەمدەۋگە پايدالانعان.

شۇبات

تۇيە سۇتىنەن ازىرلەنەتىن بۇل سۋسىن بيولوگيالىق قۇرامى بويىنشا قۇنارلى جانە ءدامدى ازىق قانا ەمەس، ۆ، ۆ1، ۆ2، س دارۋمەندەرىنىڭ دە قاينار كوزى. شۇبات وزىندەگى ۆ1، ۆ2 دارۋمەندەرى بويىنشا سيىر سۇتىنەن اسىپ تۇسەدى. شۇباتتىڭ ءبىر ليترى ادام اعزاسىندا س دارۋمەنىنە جانە ريبوفلاۆينىنە تاۋلىكتىك قاجەتتىلىگىن قاناعاتتاندىرا الادى. شۇبات - سيىر سۇتىنە قاراعاندا ماي، اقۋىز، مينەرالدى زاتتارعا جانە دارۋمەندەرگە وتە باي. ەمدىك قاسيەتى دە كۇشتى. ول قانت ديابەتى، اسقازان جاراسى، ديارەيا، باۋىر، اللەرگيا ءتارىزدى اۋرۋلاردان ايىقتىرادى.

ەشكى ءسۇتى

قۇرامىندا ماي، كومىرسۋتەك، اقۋىز ءۇش ەسە كوپ. تەمىر، كالتسي، ا، ۆ دارۋمەندەرى بار. ەشكى ءسۇتى بەزدەرگە، راحيت، برونح دەمىكپەسى، ءوت جولدارى سىرقاتىنا، باس ساقيناسىنا، اس قورىتۋ جولدارىنىڭ بۇزىلۋىنا قارسى شيپالى ەم.

جىلقى ەتى

مۇندا %75،3 سۋ، %21،7 ءنارۋىز، %2،5 ماي، %0،5 كومىرسۋتەگى بار. جىلقى ەتىنىڭ مايى جەڭىل بالقيتىن بولعاندىقتان ول اعزاعا جاقسى سىڭەدى. ەتكە گليكوگەننىڭ (جانۋار كراحمالى) ءبولىنۋى وعان وزگەشە ءدام بەرەدى.

تۇيە ەتى

جانۋارلار مايىن شەكتەلگەن ەم- دامگە (ديەتاعا)، پىسىرىلگەن تاعامداردا قولدانبايدى. ويتكەنى جانۋارلار ەتى ىشكى مايلاردىڭ قاباتىن قۇرايدى. تۇيە ەتىندەگى ماي قوي، سيىر ەتىنە قاراعاندا كوبىرەك. وركەشتى ەرىتىپ، جوعارى ساپالى اق ءتۇستى ماي الۋعا بولادى جانە ول سيىر مەن قوي مالىنا قاراعاندا باعالى. تۇيە ەتىندە %75-80 سۋ، %18-21 ءنارۋىز جانە %1-2 ماي بار. ودان باسقا كالتسي، ماگني، فوسفور، تەمىر، تاعى دا باسقا ءبىرقاتار دارۋمەندەر كەزدەسەدى.

دەرەككوزى: «قازاق الەمى» توپتاماسىنان


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات