قازاقستاندىقتار نەلىكتەن نورمادان تىس ارتىق جۇمىس ىستەيدى
«جۇمىس ىستەپ جۇرگەندەردىڭ جارتىسىنان كوبى (51,8 پايىزى نەمەسە 4,5 ميلليون ادام) ەر ادامدار بولسا، 48,2 پايىزى نەمەسە 4,2 ميلليون ادام ايەلدەر. ەكونوميكاداعى جۇمىس ىستەيتىن ازاماتتاردىڭ 6,7 ميلليونى نەمەسە 76,0 پايىزى - جالدانىپ ەڭبەك ەتەتىندەر. ال ءوزىن-ءوزى جۇمىسپەن قامتىعانداردىڭ سانى 2,1 ميلليون (24,0 پايىز). جالدانىپ جۇمىس ىستەيتىن رەسپوندەنتتەردىڭ 44,5 پايىزى كاسىپوداق مۇشەسى ەكەنىن، ال 79,7 پايىزى ەڭبەك زاڭناماسىندا قاراستىرىلعانداي جەڭىلدىكتەر مەن وتەماقى الۋ قۇقىعىنا يە ەكەنىن (جۇمىستان شىققان جاعدايدا) ايتقان»، - دەپ حابارلايدى ۆەدومستۆودان.
كوميتەتتىڭ مالىمەتىنشە، رەسپوندەنتتەردىڭ 19,7 پايىزى اپتاسىنا 40 ساعاتقا جۋىق ۋاقىت جۇمىس ىستەيتىنىن (2018 -جىلى - 21,1 پايىزى) جەتكىزگەن. وسى رەسپوندەنتتەردىڭ جارتىسىنان كوبى، ياعني 66,9 پايىزى جۇمىس بەرۋشىنىڭ تالابى بويىنشا، ال 18,9 پايىزى تابىسىن ارتتىرۋ ءۇشىن، ال 7,9 پايىزى وندىرىستىك قاجەتتىلىككە بايلانىستى وسىلاي ەڭبەك ەتەتىن ايتىپ، جاۋاپ بەرگەن.
جۇمىسپەن قامتىلعان حالىقتىڭ 480,1 مىڭى (5,5 پايىزى) كاسىبي وقىتۋدان وتكەن. ونىڭ ىشىندە 384,5 مىڭى (80,1 پايىز) جۇمىس بەرۋشىنىڭ نەمەسە باسقا دا ۇيىمداردىڭ قاراجاتى ەسەبىنەن وسى وقىتۋدان وتكەن.
جۇمىسپەن قامتىلعان رەسپوندەنتتەردىڭ 12,2 پايىزى ەڭبەكتىڭ جايسىز ءارى قاۋىپتى جاعدايىندا (2018 -جىلى - 12,0 پايىز) ەڭبەك ەتەتىن، ال ولاردىڭ ىشىندە 12,3 پايىزى قولايسىز تەمپەراتۋرالىق جاعدايدا، 9,4 پايىزى قاۋىپتى مەحانيزممەن، 18,9 پايىزى جۇيكە جۇيەسىنە ارتىق جۇكتەمە تۇسەتىنىن، 17,6 پايىزى كوشەدە جۇمىس ىستەيتىنىن، 24,1 پايىزى اۋىر فيزيكالىق جۇمىستى اتقاراتىنىن ايتقان.
جۇمىسپەن قامتىلعانداردىڭ جارتىسىنا جۋىعى (49,8 پايىزى) جۇمىسقا قوعامدىق كولىكپەن، 19,3 پايىزى جاياۋ، 21,2 پايىزى جەكە كولىكپەن جەتەتىنىن جەتكىزگەن.
جۇمىس ىستەيتىن ايەلدەرىدڭ 15,3 پايىزى (2018 -جىلى - 13,2 پايىزى) ەڭبەك جاعدايى مەن ۇيدەگى مىندەتتەمەلەردى ۇيلەستىرۋ قيىنعا ءتۇسىپ جۇرگەنىن جازعان.