+7 (701) 759 90 19
5 °С : نۇر-سۇلتان
6 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

ورالدا توعىز اۆتوكولىكتى ايداپ كەتكەن تۇرعىن ۇستالدى

13 اقپان 13:00
:ءبولىسۋ
ورالدا توعىز اۆتوكولىكتى ايداپ كەتكەن تۇرعىن ۇستالدى

ورال. قازاقپارات - ورالدا توعىز اۆتوكولىكتى ايداپ كەتكەن تۇرعىن ۇستالدى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، سوڭعى كەزدە شاھارداعى شاعان پوليتسيا بولىمىنە اۆتوكولىكتەرىن الدەكىمنىڭ ايداپ كەتكەنى جونىندە تۇرعىنداردان تۇسكەن ارىز كوبەيىپ كەتكەن.

جەدەل ىزدەستىرۋ شارالارى بارىسىندا كرۋگلووزەرنىي كەنتىنىڭ 1994 -جىلعى تۇرعىنى ۇستالدى. ول جاۋاپ الۋ كەزىندە ورال قالاسى مەن زاچاگان كەنتىنەن توعىز بىردەي اۆتوكولىكتى ۇرلاعانىن ايتىپ، مويىندادى.

شاعان پوليتسيا ءبولىمىنىڭ باستىعى، پوليتسيا پودپولكوۆنيگى تيمۋر ايتۋعانوۆتىڭ ايتۋىنشا، كۇدىكتى اۆتوكولىكتەردى تۇنگى ۋاقىتتا ساعات 23.00-دەن كەيىن ايداپ كەتىپ وتىرعان. ول اۆتوكولىكتەردىڭ تەرەزەسىن سىندىرىپ، سوسىن جانار- جاعار مايى تاۋسىلعانشا ايداپ، كەيىن كەلەسى ماشيناعا اۋىسۋعا دەيىن بارعان. وسىلايشا «قىزىق» ىزدەگەن ول ءبىر تۇندە ەكى اۆتوكولىك ايداپ كەتكەن.

كولىكتەر تابىلىپ، يەلەرىنە قايتارىلدى.

قازىرگى كەزدە ق ر ق ك 200-بابىنا سايكەس سوتقا دەيىنگى تەرگەۋ امالدارى جۇرگىزىلۋدە.




باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات