+7 (701) 759 90 19
4 °С : نۇر-سۇلتان
14 °С : الماتى
USD 448.01 EUR 495.86
RUB 5.64 CNY 63.19
جاڭالىقتار

الماتى پوليتسياسى ءۇش بالانىڭ ءولىمىن تەرگەۋدى باستادى

13 اقپان 12:23
:ءبولىسۋ
الماتى پوليتسياسى ءۇش بالانىڭ ءولىمىن تەرگەۋدى باستادى

الماتى. قازاقپارات- الماتى پوليتسياسى سۋعا باتىپ كەتكەن وقۋشىلارعا قاتىستى تەرگەۋدى باستادى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، 2006 -جىلى تۋعان دەنيس مەلنيكوۆ، ۆاديم سيزوۆ جانە سابىر دۇيسەعاليەۆتىڭ ولىمىنە قاتىستى تەرگەۋ امالدارى جۇرگىزىلىپ جاتىر. بالالاردىڭ قازا بولۋ سەبەپتەرىن انىقتاۋ ماقساتىندا سوت-مەديتسينالىق ساراپتاما تاعايىندالدى.

ءۇش وقۋشىنىڭ ۇيدەن مەكتەپكە كەتىپ، سودان قايتىپ ورالماعانى تۋرالى اقپارات الاتاۋ اۋداندىق پوليتسيا باسقارماسىنا 12-قاڭتار كۇنى كەشكى ساعات توعىزدار شاماسىندا ءتۇستى.

«ەڭ الدىمەن، كريمينالدىق جانە يۋۆەنالدى پوليتسيا قىزمەتكەرلەرى، ۋچاسكەلىك ينسپەكتورلار جەدەل-ىزدەستىرۋ شارالارىن ۇيىمداستىردى. بالالاردى ىزدەپ تابۋعا «LLider.kz» ەرىكتىلەر قوزعالىسىنىڭ وكىلدەرى دە اتسالىستى»، - دەپ حابارلادى الماتى قالالىق پ د باسپا ءسوز قىزمەتىنەن.

الاتاۋ اۋدانىنداعى «تەرەكتى» ىقشاماۋدانىندا سۋ قويماسىنىڭ جاعاسىنان اتالعان ءۇش جاس ءوسپىرىمنىڭ مەكتەپ سومكەلەرى تابىلعان. كەيىن ىزدەستىرۋ جۇمىستارىنا رەسپۋبليكالىق جەدەل- قۇتقارۋ جاساعىنىڭ سۇڭگۋىرلەرى جۇمىلدىرىلدى.

بۇگىن تاڭەرتەڭ ساعات سەگىزدەر شاماسىندا بالالاردىڭ دەنەسى سۋدان شىعارىلدى.

وقۋشىلار ءولى كۇيىندە تابىلعانى جونىندە بۇعان دەيىن قالا اكىمى باقىتجان ساعىنتايەۆ حابارلاعان بولاتىن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات