+7 (701) 759 90 19
-6 °С : نۇر-سۇلتان
-1 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

كوپشىلىك ۆولونتەرلىكتى «تەگىن جۇمىس كۇشى» دەپ ويلايدى - بوگدان پەتروۆ

13 اقپان 12:04
:ءبولىسۋ
كوپشىلىك ۆولونتەرلىكتى «تەگىن جۇمىس كۇشى» دەپ ويلايدى - بوگدان پەتروۆ

پەتروپاۆل. قازاقپارات - كوپ ادامدار ۆولونتەرلىكتى «تەگىن جۇمىس كۇشى» دەپ ويلايدى.

بۇل تۋرالى قازاقپارات تىلشىسىنە م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ «Sanaly urpaq» جوبالىق كەڭسەسىنىڭ كومپلاەنس اكادەم وفيتسەرى بوگدان پەتروۆ ايتىپ بەردى.

بوگدان پەتروۆ - م. قوزىبايەۆ اتىنداعى س ق م ۋ «جۋرناليستيكا» ماماندىعىنىڭ ماگيسترانتى. 2014 -جىلى ونىڭ ەسىمى «قازاقستان ءۇمىتى» كىتابىنا ەنگىزىلدى. بەلسەندى جاس 2017 -جىلى م. قوزىبايەۆ اتىنداعى س ق م ۋ جاستار ءىسى جونىندەگى كوميتەتىن باسقارعان. بۇگىندە جوعارى وقۋ ورنىنداعى قازاقستان حالقى اسسامبلەياسى كافەدراسىنىڭ عىلىمي- ادىستەمەلىك كەڭەسىنىڭ مۇشەسى. قازاق جانە ورىس تىلدەرىندە ەركىن سويلەيدى.

- سولتۇستىك قازاقستان وبلىسىندا ۆولونتەرلىك قوزعالىس قانداي باعىتتاردا دامۋدا؟

- ۆولونتەرلىك ۇعىمى ەندى- ەندى قۇلاققا ءسىڭىستى بولىپ جاتقانىمەن، ولاردىڭ اتقارىپ جۇرگەن جۇمىسى ءبىزدىڭ قوعامعا جات ەمەس. بۇرىن «تيمۋرشىلار وتريادى» بولدى. جالعىزىلىكتى، كومەككە مۇقتاج جاندارعا قول ۇشىن بەردى. بۇدان باسقا ۇنەمى سەنبىلىكتەر، قايىرىمدىلىق ءىس- شارالارى ۇيىمداستىرىلىپ تۇرادى. وعان قانشاما ادام قاتىسىپ، ءوز ۇلەسىن قوسىپ كەلەدى. سول سەبەپتى ءارقايسىمىز از دا بولسا - ۆولونتەرمىز. جالپى م. قوزىبايەۆ اتىنداعى س ق م ۋ ۆولونتەرلىك قوزعالىس بىلتىر قۇرىلدى. باستاپقىدا تەك 100 ادام عانا بولسا، قازىر قاتارىمىز كۇن سايىن ارتىپ كەلەدى. بۇدان باسقا وڭىردەگى كوللەدجدەردە، مەكتەپتەردە بار. سونداي- اق، وبلىستىق جاستار رەسۋرستىق ورتالىعى جانىندا ۆولونتەرلەر كلۋبى جۇمىس ىستەيدى. وسى كلۋبپەن تىعىز بايلانىستامىز.

- ۆولونتەرلەردىڭ بەلگىلى ءبىر دايىندىعى بولۋى قاجەت سەكىلدى، بۇل ماسەلە قالاي شەشىمىن تاۋىپ جاتىر؟

- جۇيەلى تۇردە ۆولونتەرلەر ءۇشىن سەمينارلار، ترەنينگتەردى ۇيىمداستىرامىز. سونداي-اق، ولار ءۇشىن نۇسقاۋلىق جاسادىق. بۇدان باسقا ۆولونتەرلەرىمىز باسقا قالالارعا بارىپ، رەسپۋبليكالىق، حالىقارالىق دارەجەدەگى ءىس- شارالارعا قاتىسىپ، ءبىلىم دەڭگەيلەرىن ارتتىرادى، تاجىريبە جيناقتاپ كەلەدى. ماسەلەن بىلتىر ومبى قالاسىندا مەملەكەت باسشىلارىنىڭ قاتىسۋىمەن وتكەن قازاقستان مەن رەسەيدىڭ XVI ايماقارالىق ىنتىماقتاستىق فورۋمىنا ۆولونتەرلەرىمىز دە بارىپ، ات سالىستى. جاستار جىلى اياسىندا ۇلتتىق ۆولونتەرلىك جەلى اتىنان «اشىق جۇرەك» رەسپۋبليكالىق بايقاۋىندا ءىس- شارالاردى وتكىزۋگە شاعىن گرانتتى جەڭىپ الدىق. بىرىنشىدەن، ول - الەۋمەتتىك تاجىريبە. ادامدارمەن ارالاسىپ، ءىس- شارالاردى ۇيىمداستىرۋ ارقىلى ءوز بويىڭدا كەلەشەك ومىردە قاجەت بولاتىن داعدىلاردى قالىپتاستىرىپ، دامىتۋعا سەپتىگى زور.

- بۇگىندە ۆولونتەر بولۋ ءتيىمدى مە؟

- ارينە، ءتيىمدى. جاڭا ايتقانىمداي ەڭ الدىمەن ول - ۇلكەن تاجىريبە. ءارى پرەزيدەنتىمىز بيىلعى جىلدى «ۆولونتەرلەر جىلى» دەپ بەلگىلەگەندىكتەن ەرىكتىلەردىڭ جۇمىسى ەرەكشە باعالانباق. مىسالى، ۆولونتەر- ستۋدەنتتەردىڭ شاكىرتاقىسى جوعارى بولادى، اتقارعان جۇمىستارى ەڭبەك وتىلىنە كىرەدى. كەشە رەسپۋبليكالىق فرونت- ءوفيستىڭ اشىلۋ سالتاناتىندا پرەزيدەنتىمىز ۆولونتەرلەرگە ارنايى جەڭىلدىكتەر بولاتىنىن باسا ايتتى. ءتىپتى ەڭبەگىمەن ەرەكشەلەنگەن ەرىكتىلەر مەملەكەتتىك ناگرادالارعا ۇسىنىلماق.

جالپى، ۆولونتەرلىك قوزعالىستى جەتىلدىرۋ ءۇشىن ادامداردىڭ ساناسىن وزگەرتۋىمىز قاجەت. ويتكەنى قازىرگى ۋاقىتتا كوپشىلىك ۆولونتەرلىكتى «تەگىن جۇمىس كۇشى» دەپ ەسەپتەيدى. دۇرىس تۇسىنبەگەندىكتەن دە ۆولونتەرلىكپەن اينالىسپايدى. ءبىز جۇرتتىڭ تۇسىنىگىن وزگەرتۋگە تىرىسامىز. ۆولونتەرلىككە ەڭ باستىسى ادام ءوز ەركىمەن، جۇرەگىنىڭ قالاۋىمەن كەلۋى قاجەت.

- بيىلعا قانداي جوسپار بار؟

- جوسپار كوپ. ۋنيۆەرسيتەتتە قازىر ۆولونتەرلەر ءۇشىن ءبىرىڭعاي فورمانى ەنگىزەمىز. ۆولونتەرلىك كىتاپشالاردى تسيفرلاندىرماقشىمىز. سونداي-اق، ۆولونتەرلەر ءۇشىن ارنايى كارتالاردى دايىندايمىز. وسى كارتالار ارقىلى ولار دۇكەندەردە، ءدامحانالاردا جانە ت. ب. قوعامدىق ورىنداردا جەڭىلدىكتەر الاتىن بولادى. جالپى پرەزيدەنت ق. توقايەۆپەن بولعان كەزدەسۋدەن العان اسەرىم كەرەمەت. ۆولونتەرلەر جىلىندا اتقارىلۋى ءتيىس جۇمىستار سارالاندى. بىزگە ۆولونتەرلىكتى كەڭىنەن تاراتۋ مىندەتى تۇر. كەرەمەت جوسپارلار بار. ءاربىر وبلىستا جاقسى تاجىريبە بار. نەگىزى وسى ءىس-شارا تاجىريبە الماسۋعا پايدالى. ءبىز ءوز وبلىسىمىزعا كەلىپ، ەڭ جاقسى يدەيالاردى وزىمىزدە جۇزەگە اسىرۋعا دايىنبىز.

- ىستەرىڭىزگە ساتتىلىك تىلەيمىن! سۇقباتىڭىزعا راحمەت!


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات