+7 (701) 759 90 19
-6 °С : نۇر-سۇلتان
-1 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

قازاقستاندىق «قىز بەن تەڭىز» الەۋمەتتىك دراماسى پروكاتقا شىقتى

13 اقپان 11:45
:ءبولىسۋ
قازاقستاندىق «قىز بەن تەڭىز» الەۋمەتتىك دراماسى پروكاتقا شىقتى

الماتى. قازاقپارات - بۇگىن «قىز بەن تەڭىز» فيلمى قازاقستاندىق پروكاتقا شىعادى.

فيلمدى نۇر-سۇلتان، شىمكەنت، اقتوبە جانە الماتى قالالارىنىڭ تۇرعىندارى كورە الادى، دەپ حابارلايدى قازاقپارات ءتىلشىسى «قازاقفيلمگە» سىلتەمە جاساپ.

فيلمدە بالالاردىڭ تسەرەبرالدىق پاراليچىمەن سىرقات اسەل ەسىمدى بويجەتكەننىڭ قيىن تاعدىرى، ونىڭ ارماندارى، ماحاببات جانە وتباسى تۋرالى باياندالادى. فيلم «ARDI « وڭالتۋ ورتالىعىنىڭ قامقورلىعىنداعى (مۇگەدەك بالالاردىڭ اتا-انالارىنىڭ قاۋىمداستىعى) دينارا شاريپوۆانىڭ ومىرىنەن الىنعان ناقتى وقيعاعا نەگىزدەلگەن.

«مۇمكىندىگى شەكتەۋلى جانداردىڭ جاعدايىن ءبارىمىز دە جاقسى بىلەمىز، سوندىقتان ءبىز «قىز بەن تەڭىز» فيلمى الەۋمەتتىڭ مۇگەدەكتەردىڭ ماسەلەلەرىنە مۇقيات بولۋعا كومەكتەسەدى دەپ سەنەمىز. مەن بۇل فيلمدى بارلىعىنا كورۋگە كەڭەس بەرەمىن»، - دەدى «قازاق فيلم» كينوستۋدياسىنىڭ پرەزيدەنتى ارمان اسەنوۆ.

«قىز بەن تەڭىز» كارتيناسى 2017 -جىلدىڭ كوكتەمىندە وندىرىسكە ەنگىزىلدى. فيلمنىڭ نەگىزگى ءتۇسىرىلىمى الماتى قالاسىندا ءوتتى، جەكە كورىنىستەر قاپشاعاي جاعالاۋىندا ءتۇسىرىلدى.

فيلمدەگى رولدەردىڭ كوپشىلىگىن ەرەكشە قاجەتتىلىكتەرى بار كاسىبي ەمەس اكتەرلار - «اردي» وڭالتۋ ورتالىعىنىڭ ستۋدەنتتەرى وينادى. مىسالى، باستى رولدەردىڭ ءبىرىن ديلوگيانىڭ ءبىرىنشى بولىگىندەگى رولىمەن تانىمال تاحير ۋماروۆ، سونداي-اق ەمير بايگازيننىڭ «جارالانعان پەرىشتە» تريلوگياسىنىڭ ەكىنشى بولىمىندە كامو ءرولىن ويناعان قاناعات تاسقارايەۆ سومدادى. ال باستى كەيىپكەردىڭ ءسىڭلىسى رولىنە كاسىبي تەاتر جانە كينو اكتريساسى گۇلباحرام بايبوسىنوۆا شاقىرىلدى.

«قىز بەن تەڭىز» فيلمى كەڭ اۋديتورياعا ەرەكشە قاجەتتىلىكتەرى بار ادامداردا كەزدەسەتىن ماسەلەلەردىڭ بارلىعىن اشادى. كورەرمەندەر ءبىزدىڭ كەيىپكەرلەرىمىزدى جاقسى ءتۇسىنىپ، ءسۇيىپ قانا قويماي، سونىمەن بىرگە ءوز كۇشتەرى مەن شەكسىز مۇمكىندىكتەرىنە سەنە الادى»، - دەيدى فيلمنىڭ رەجيسسەرى مۇحامەد مامىربەكوۆ.

ايتا كەتۋ كەرەك، «قىز بەن تەڭىز» فيلمىنىڭ پرەمەرالارى بىلتىر نۇر-سۇلتان مەن الماتىدا انشلاگپەن وتكەن بولاتىن.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات