ءمانسيا ەسەكەيەۆا: ۆولونتەرلىك قىزمەت - جۇرەك قالاۋىمەن ىستەلىنەتىن جۇمىس

كوكشەتاۋ. قازاقپارات - ۆولونتەر كەز كەلگەن جاستاعى ادام بولۋى مۇمكىن. شىندىعىندا، جاس ايىرماشىلىعىندا ەشقانداي شەكتەۋ جوق.

تەك، جۇرەگىندە وزگەگە كومەكتەسۋگە نيەت بولسا بولعانى. بۇل تۋرالى اقمولا وبلىسىنداعى «جاس ۇلان» ءبىرىڭعاي بالالار مەن جاسوسپىرىمدەر ۇيىمى» قوعامدىق بىرلەستىگىنىڭ ءتوراعاسى ءمانسيا ەسەكەيەۆا ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، مەملەكەت باسشىسىنىڭ قاتىسۋىمەن ەلوردادا وتكەن «Birgemiz» اتتى ۆولونتەرلەر فرونت- ءوفيسىنىڭ اشىلۋى ۆولونتەرلىكپەن اينالىسىپ جۇرگەن قازاقستاندىقتار ءۇشىن ايتۋلى وقيعا بولدى. ۆولونتەرلەردىڭ يگى ىستەرى مەملەكەتىمىزگە زور پايداسىن تيگىزەرى ءسوزسىز. وسى ورايدا، اقمولا وبلىسىندا دا ۆولونتەرلەردىڭ قاتىسۋىمەن كوپتەگەن شارالار وتكىزىلۋدە. بۇل شارالارعا «جاس ۇلان» ءبىرىڭعاي بالالار مەن جاسوسپىرىمدەر ۇيىمى» قوعامدىق بىرلەستىگى تىكەلەي اتسالىسۋدا.

«ۆولونتەر دەگەنىمىز ءوز ەركىمەن، ياعني، سانالى تۇردە اينالاسىنداعىلارعا ۇزدىكسىز كومەكتەسىپ جۇرەتىن جاندار. ​ ال ۆولونتەرلىك قىزمەت - ول جۇرەكتىڭ قالاۋىمەن ىستەلىنەتىن جۇمىس. ءبىزدىڭ «جاس ۇلان» ءبىرىڭعاي بالالار مەن جاسوسپىرىمدەر ۇيىمى» قوعامدىق بىرلەستىگىنىڭ مۇشەلەرى وسىنداي قاعيدانى ۇستانادى. وتكەن جاستار جىلىن دا قىرۋار شارۋا تىڭدىرىلدى. بۇلاردىڭ اراسىنداعى ماڭىزدىلارىنا توقتالا كەتسەم، 2019 -جىلدىڭ ناۋرىز ايىندا ءبىلىم- يننوۆاتسيا ليتسەي- ينتەرناتىندا اقمولا وبلىسىنىڭ ءبىلىم باسقارماسى، ونەرپاز دارىندى بالالارمەن جۇمىس جۇرگىزۋ جونىندەگى وبلىستىق وقۋ- ادىستەمەلىك ورتالىعىنىڭ قولداۋىمەن مەكتەپ وقۋشىلارى اراسىندا «جاس ۇلان» ءبىرىڭعاي بالالار مەن جاسوسپىرىمدەر ۇيىمىنىڭ كۋبوگىنا ارنالعان اشىق وبلىستىق پىكىر- سايىس ءتۋرنيرىن وتكىزدىك. سونداي-اق، «بولاشاققا باعدار: رۋحاني جاڭعىرۋ» ماقالالىق باعدارلاماسىن جۇزەگە اسىرۋ اياسىندا مەكتەپ وقۋشىلارى اراسىندا «التىن ساقا» وبلىستىق سايىسى، «بۇگىنگى جاس - ەرتەڭگى ەل تىرەگى!» اتتى وبلىستىق فورۋمى، ق ر تۇڭعىش پرەزيدەنتى كۇنى اياسىندا «جاس ۇلان» ءبىرىڭعاي بالالار مەن جاسوسپىرىمدەر ۇيىمى كۋبوگىنا ارنالعان وبلىستىق «بالا بي» شەشەندىك ونەر سايىسى ۇيىمداستىرىلدى»، - دەيدى ءمانسيا ەسەكەيەۆا.

جىل سايىن ەلىمىزدە، سونىڭ ىشىندە اقمولا وبلىسىندا دا ۆولونتەرلەردىڭ سانى ۇلعايۋدا. قازىرگى تاڭدا قوعامعا پايداسىن تيگىزەمىن دەۋشى جاستاردىڭ ۆولونتەرلەر قاتارىنا قوسىلۋى قۋانتادى. جىل وتكەن سايىن ولاردىڭ قاتارى تولىعىپ كەلەدى. وسىنىڭ ارقاسىندا بيىلعى ۆولونتەرلەر جىلى دا «جاس ۇلان» ءبىرىڭعاي بالالار مەن جاسوسپىرىمدەر ۇيىمى» قوعامدىق بىرلەستىگى ءبىرقاتار شارالاردى جۇزەگە اسىرۋدى جوسپارلاپ وتىر.

«اعىمداعى جىلى «جاس ۇلان» ءبىرىڭعاي بالالار مەن جاسوسپىرىمدەر ۇيىمى» قوعامدىق بىرلەستىگىنىڭ كۋبوگىنا ارنالعان وبلىستىق پىكىر- سايىس ءتۋرنيرى، «قاسيەتتى دومبىرا» وبلىستىق بايقاۋى، ناۋرىز مەيرامىنا وراي ينستا بايقاۋ، «ۇزدىك ۇلانباسى - 2020» مەكتەپ وقۋشىلارى اراسىنداعى وبلىستىق بايقاۋى، «ۇلانىمىز ۇلى ەلدىڭ» وبلىستىق فورۋمى، حالىقارالىق بالالاردى قورعاۋ كۇنى مەن مەملەكەتتىك رامىزدەر كۇنىنە ارنالعان ءىس- شارالار، «قازاقشاڭ قالاي، بالاقاي؟» اتتى بالاباقشا تاربيەلەنۋشىلەرىنىڭ اراسىنداعى وبلىستىق بايقاۋى، «جايدارلى جاس ۇلان» مەكتەپ وقۋشىلارى اراسىنداعى وبلىستىق ينتەللەكتۋالدى ويىنى، «التىن ساقا» وبلىستىق سايىسى، ق ر تۇڭعىش پرەزيدەنتى كۇنىنە ارنالعان «بالا بي» وبلىستىق شەشەندىك ونەر سايىسى سياقتى شارالار ​ كۇتىپ تۇر.

سونىمەن قاتار، جىل ىشىندە ۆولونتەرلەرگە ترەنينگ، ەكولوگيالىق اكسيا، قايىرىمدىلىق جارمەڭكە، سوعىس ارداگەرلەرىنە كومەك كورسەتۋ ءتارىزدى وزگە دە شارالارعا قولعابىس ەتۋ جوسپارىمىزدا بار»، - دەپ تولىقتىردى ءمانسيا ەسەكەيەۆا.

ەسكە سالساق، كەشە پرەزيدەنت قاسىم-جومارت توقايەۆتىڭ قاتىسۋىمەن ەلوردادا ۆولونتەرلەردىڭ «Birgemiz» رەسپۋبليكالىق فرونت-كەڭسەسى اشىلدى.

ۆولونتەر جىلى اياسىندا فرونت- كەڭسەنىڭ اشىلۋى بارىسىندا «QQQAZVOLUNTEER. KZ» ونلاين پلاتفورماسىنىڭ قىزمەتى جانە ۆولونتەرلىكتىڭ «Bilim», «Qamqor», «Úmit», «Sabaqtastyq», «Taza Álem» جانە «Saulyq» اتتى 7 سالالىق باعىت بويىنشا الاڭدارى تانىستىرىلادى.