ەردوعان: تۇركيا اسكەرلەرىنە شابۋىل جاسالسا، قاتاڭ جاۋاپ قايتارىلادى
بۇل تۋرالى رەجەپ تايىپ ەردوعان مالىمدەدى. ونىڭ ايتۋىنشا، بۇدان بىلاي تۇركيالىق اسكەريلەرگە شابۋىل جاسالىنسا، قاتاڭ جاۋاپ قايتارىلادى. ياعني انكارا سوچي مەموراندۋمىندا بەكىتىلگەن اۋماقتاردان اسىپ، وق اتا باستايدى.
ايتا كەتەيىك، بۇگىنگە دەيىن يدليبتەگى دەەسكالاتسيا ايماعىندا 18 تۇركيالىق اسكەر كوز جۇمعان. تاعى 45 سارباز ءتۇرلى دەڭگەيدە جاراقات العان.
ونىڭ زاردابىن اسكەريلەر عانا ەمەس، بەيبىت حالىق تا تارتىپ وتىر. تاياۋدا قۇتقارۋشىلار ۇيىندىلەر استىنان 3 قىز بالانى ءولىم اۋزىنان امان الىپ شىقتى. جالپى سوڭعى بىرنەشە كۇندەگى اتىس- شابىستان 12 ادام مەرت بولىپ، 32- ءسى ءتۇرلى جاراقات الدى. ايماقتا قۇتقارۋ- ىزدەستىرۋ جۇمىستارى ءالى دە جالعاسىپ جاتىر. اقپارات كوزدەرىنىڭ حابارلاۋىنشا، جارىلىستاردىڭ جيىلەۋىنەن يدليب پەن الەپپو ماڭىندا مەكەندەيتىن حالىق باسپانالارىن تاستاپ وزگە جەرلەرگە باس ساۋعالاۋعا ءماجبۇر بولىپ وتىر.
www.24.kz