قىتايدا كوروناۆيرۋس جۇقتىرعاندار سانى بىردەن ءوستى

None
None
بەيجىڭ. قازاقپارات - ىندەتتىڭ وشاعى سانالاتىن حۋبەي پروۆينسياسىندا (ورتالىق قىتاي) وتكەن تاۋلىكتە كوروناۆيرۋس جۇقتىرعان 14840 ادام تىركەلگەن، دەپ حابارلايدى قازاقپارات ءتىلشىسى.

حۋبەيدىڭ گيگيەنا جانە دەنساۋلىق ساقتاۋ ماسەلەلەرى جونىندەگى كوميتىنىڭ حابارلاۋىنشا، 12 -اقپان ساعات 24:00-دەگى جاعداي بويىنشا، حۋبەي پروۆينسياسىندا كوروناۆيرۋس جۇقتىرعان 14840 ادام تىركەلدى، 242 ادام قازا تاپتى. اۋرۋحانادا 33693 ادام جاتىر، سونىڭ ىشىندە 5647 ناۋقاس اۋىر حالدە.

حۋبەي پروۆينسياسىنىڭ بيلىگى جاڭا كوروناۆيرۋس جۇقتىرعاندار سانىنىڭ بىردەن ءوسۋىن ولاردىڭ قاتارىنا جاڭا ادىسپەن دياگنوستيكا جاسالعان ناۋقاستار كىرگەنىمەن ءتۇسىندىردى.

بۇل شارالار كوروناۆيرۋس جۇقتىرعانداردى ەرتەرەك انىقتاپ، ولاردى تەزىرەك ەمدەۋگە باعىتتالعان.

سوڭعى دەرەكتەر بويىنشا، حۋبەي پروۆينسياسىندا جاڭا كوروناۆيرۋس جۇقتىرعاندار سانى 48 مىڭ ادام، سونىڭ ىشىندە 1310 ادام كوز جۇمسا، 3441 ادام ەمدەلىپ شىقتى.

سوڭعى جاڭالىقتار