جولىمىز سىن كوتەرمەيدى - اقتوبە وبلىسىنىڭ اكىمى
«تۇرعىنداردى تاسجول ساپاسى مەن قوعامدىق ماسەلەسى الاڭداتادى. وبلىس جولدارىنىڭ 44 پايىزى ناشار. ەل بويىنشا، باتىس وڭىرلەرى اراسىندا اقتوبە جولدارىنىڭ ساپاسى سىن كوتەرمەيدى. وتكەن جىلى 347 مىڭ شاقىرىم جول جوندەلدى. بيىل 636 شاقىرىم جول قالپىنا كەلتىرىلەدى، جوندەۋ جۇرگىزىلەدى. اقتوبە قالاسىنىڭ وڭتۇستىك اينالما جولى، سەلماش كوپىرى، اقتوبە- ورسك اۆتوجولىنىڭ 8-16 شاقىرىم ارالىعى، ويىل - قاراوي، شالقار - بوزوي قالپىنا كەلتىرىلەدى. قالا كوشەلەرىندەگى جولدىڭ جاعدايى جاقسى ەمەس. جەكە ينۆەستورلاردى تارتۋ جوسپاردا بار»، - دەدى وبلىس اكىمى وڭداسىن ورازالين.
ايتا كەتەيىك، اقتوبە - اتىراۋ تاسجولىنىڭ اقتوبە - قاندىاعاش ارالىعى بيىل اشىلادى. مەردىگەر 90 شاقىرىمدى بيىل قولدانىسقا بەرمەك.
«اقتوبە قالاسىنىڭ قوعامدىق كولىگىندە ەلەكتروندى بيلەتتەۋدى ەنگىزۋ بويىنشا جۇمىس جۇرگىزىلۋدە. «پاتپ» ج ش س- ى «BPC Kazakhstan» ج ش س- مەن بىرلەسىپ قولما- قول اقشاسىز تولەم جاساۋ جانە قالالىق كولىكتى تولەۋدى ەسەپكە الۋدى اۆتوماتتاندىرۋ بويىنشا جوبانى ەنگىزۋدە. بۇگىنگى تاڭدا ستاتسيونارلىق ۆاليداتورلار 90 اۆتوبۋستا ورناتىلعان»، - دەدى وڭداسىن ورازالين.