+7 (701) 759 90 19
-7 °С : نۇر-سۇلتان
-1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

مي قابىلەتىن ارتتىرۋ ءۇشىن قانداي فيزيكالىق جاتتىعۋ جاساعان دۇرىس

13 اقپان 04:15
:ءبولىسۋ
مي قابىلەتىن ارتتىرۋ ءۇشىن قانداي فيزيكالىق جاتتىعۋ جاساعان دۇرىس

نۇر-سۇلتان. قازاقپارات - كەڭسە جۇمىسى، كومپيۋتەر الدىندا ۇزاق وتىرۋ، كۇنى كەشكە تەلەفونمەن وتىرۋ - مۇنىڭ ءبارى دەنساۋلىققا كەرى اسەرىن تيگىزبەي قويمايدى.

ءجۇرىس- تۇرىسىمىز ازايعان ۋاقىتتا ءومىر سالتىمىزدى رەتتەمەسەك، ميدىڭ جۇمىس ىستەۋ قابىلەتى دە ناشارلايدى. مۇنىڭ الدىن الۋ ءۇشىن دەنە شىنىقتىرۋمەن تۇراقتى تۇردە اينالىسۋ قاجەت ەكەنىن ءبارىمىز بىلەمىز. ءبىراق ناقتى قاي جاتتىعۋلاردىڭ ميعا تىكەلەي اسەر ەتەنىن اۋستراليالىق عالىمدار انىقتاپ كوردى.

ميدىڭ نەيرويكەمدىلىگى دەگەنىمىز - ميدىڭ فيزيكالىق جانە فۋنكسيونالدىق قابىلەتتىلىگى. وسى كۇنگە دەيىن مي ادامنىڭ بالا كەزدەگى ءىس- ارەكەتى، ويلاۋى جانە جاڭا اقپاراتتى قابىلداعان سايىن وزگەرەدى دەگەن تەوريا بولعان. الايدا پسيحولوگتار بۇعان قارسى پىكىر ايتۋدا. ەرەسەكتەردىڭ دە ميى قورشاعان ورتاعا بايلانىستى وزگەرۋى مۇمكىن. ادامنىڭ نەيرويكەمدىلىگى جوعارى بولعان سايىن ونىڭ جاڭا اقپاراتتى قابىلداپ، بىرنارسەگە ۇيرەنۋى تەز بولاتىنى بەلگىلى. ال ونى قالاي جاتتىقتىرۋ كەرەك ەكەنىن ەشلي سميت ەسىمدى اۋستراليالىق عالىم زەرتتەپ كوردى. عالىمدار 18-65 جاس ارالىعىنداعى 128 ەركەك پەن ايەلدى باقىلاعان. دەنە شىنىقتىرۋمەن تۇراقتى اينالىسقان ولار بىرنەشە توپقا بولىنگەن. ءار توپ دەڭگەيىنە قاراي جەڭىل ءارى اۋىر جاتتىعۋلاردى جاساپ وتىرعان. ءار جاتتىعۋ سايىن ميدىڭ جۇمىس قابىلەتتىلىگى تەكسەرىستەن وتكەن. زەرتتەۋ ناتيجەسىنە سايكەس، عالىمدار مىناداي تۇجىرىمعا كەلدى. ميدىڭ نەيرويكەمدىلىگىن ارتتىرۋ ءۇشىن ەكى ءتۇرلى جاتتىعۋ جاساۋعا بولادى. ءبىرىنشىسى، جەڭىل ءارى قيىن جاتتىعۋلاردى الما- كەزەك 20 مينۋت جاساۋ. ەكىنشىسى، 25 مينۋت بويى اەروبتى جاتتىعۋمەن ايلانىسۋ. بۇعان قاراپ الىس قاشىقتىققا جۇگىرۋ، ۆەلوسيپەد ايداۋ، ءجۇزۋ جانە بيمەن اينالىسۋ ارقىلى ءميدىڭ قابىلەتىن جوعارلاتۋعا بولاتىنىن ايتۋعا بولادى. بۇل جاتتىعۋلار اعازاداعى قاننىڭ قۇرامىنداعى كورتيزولدىڭ مولشەرىن دۇرىستاۋعا كومەكتەسەدى. ءدال وسى گورمون ميدىڭ قابىلەتىن جوعارىلاتىپ، ادامنىڭ زەرەكتىگىن، ۇيرەنۋ قابىلەتىن جانە جاڭا اقپاراتتى قابىلداۋىنا جاقسى اسەر ەتەدى.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات