گەرمانيانى نەگە ءار ەل ءارتۇرلى اتايدى؟

نۇر- سۇلتان. قازاقپارات - گەرمانيا - الەمدەگى اتاۋى كوپ جالعىز مەملەكەت. ياعني، ءار تىلدە ءارتۇرلى اتالادى.

ماسەلەن، ورىستار مەن اعىلشىندار كونە لاتىن تىلىندە «ادام» جانە «نايزا» سوزدەرىن بىلدىرەتىن گەرمان اتاۋىن قولدانادى. ال تۇرىك حالىقتارى مەن فرانسۋز، يسپان ەلى الەمانيا نەمەسە المانيا دەپ ايتادى. تۇركيانىڭ تۇرىكتەرى المانيا دەيدى. ال فين مەن ەستون حالقى گەرمانيانى ساكساما نەمەسە ساكسا دەپ اتايدى. ولار گەرمان تايپالارىن تۇركى حالىقتارىنىڭ اتا- باباسى سانالاتىن ساق- سارمات تايپاسىنان تاراعان ۇرپاقتار دەپ ويلايدى. ورىس، ۋكراين مەن بەلورۋستار «نەمەتس» ، «نيمەچچين» ، «نەمەچكو» دەيدى. ياعني، ورىس ءتىلىنىڭ «نە مى» («ءبىزدىڭ تىلدە سويلەمەيتىن جات ادامدار» ) سوزىنەن شىققان اتاۋ. قازاقتا جۇرگەن «نەمىس» اتاۋى وسىدان كەلگەن. بۇل اتاۋ ارابتار دا بار كورىنەدى. سكانديناۆيا حالىقتارى «نەمىستەردى» دويچلاند دەپ اتايدى. «حالىق ەلى» دەگەن ماعىنانى بىلدىرەدى.

گەرمانيانىڭ ⅩⅩعاسىرعا دەيىنگى ەل رەتىندەگى اتى پرۋسسيا بولعان. قازىر بۇل اتاۋ ليۋكسەمبۋرگ ەلىندە ساقتالىپ قالعان. ال لاتىش، ليتۆا حالقى ۆاتسيا دەگەن اتاۋدى قولدانادى. جوعارى ايتىلعان اتاۋلاردى توپتاستىرا كەلە، گەرمانيانى الەم حالىقتارى 7 اتاۋ بويىنشا «ۇكى تاعىپ، ات قوياتىنىن» كورۋگە بولادى: دويچ، گەرمان، المان، ساكسا، نەمەتس، پرۋسسيا، ۆاتسيا. كەيبىر حالىقتار «نەمىستەردى» فرانك، باۆاريا، رەيح، ميكسيت دەپ تە اتايدى.

Massaget.kz