ەلوردادا مۇعالىمدەر جەتىسپەيدى

None
None
نۇر- سۇلتان. قازاقپارات - قازىرگى ۋاقىتتا ەلوردادا مۇعالىمدەردىڭ سانى كوبەيدى، ءبىراق ءالى دە 250 مامان جەتىسپەيدى. بۇل تۋرالى نۇر- سۇلتان قالاسى اكىمى التاي كولگىنوۆ حالىققا ەسەپ بەرۋ كەزدەسۋىندە ايتتى.

«وقۋشىلاردىڭ، مەكتەپتەردىڭ سانى كوبەيىپ جاتىر، ال مۇعالىمدەردى دايىنداپ ۇلگەرىپ جاتىرمىز با؟ بۇل دا ءبىر ماسەلە. قازىرگى ۋاقىتتا ەلوردادا مۇعالىمدەردىڭ سانى كوبەيدى، ءبىراق ءالى دە 250 مامان جەتىسپەيدى»، - دەيدى التاي كولگىنوۆ.

ول مۇعالىمدەرگە جاعداي جاساۋ كەرەك ەكەندىگىن ايتتى.

«پرەزيدەنتتىڭ تاپسىرماسىنا سايكەس، بيىلدان باستاپ ۇستازدار مارتەبەسى تۋرالى زاڭ قابىلداندى. سونىمەن قاتار، مۇعالىمدەردىڭ جالاقىسى % 25 ارتتى. بىلىكتىلىگىن ارتتىراتىن بولسا قوسىمشا اقى الادى. سونداي- اق، جاس ماماندارعا العاشقى جارنا رەتىندە سەرتيفيكاتتار بەرىپ، تۇرعىن ۇيمەن قامتاماسىز ەتۋدەمىز. مۇعالىمدەرگە وسىلاي جۇيەلى تۇردە قولداۋ كورسەتىلەدى»، - دەيدى ول.

اۆتور زارينا قاھارمان


سوڭعى جاڭالىقتار