كوروناۆيرۋس سالدارى الەمدىك ەكونوميكاعا اسەر ەتپەي قويمايدى - ساراپشى
«ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ توراعالىعىمەن وتكەن قاۋىپسىزدىك كەڭەسىنىڭ وتىرىسىندا ىشكى جانە جاھاندىق دەڭگەيدەگى كۇن تارتىبىندەگى وتە وزەكتى ماسەلەلەر قارالدى. ياعني، ەلدى ءدۇر سىلكىندىرگەن قورداي وقيعاسى، بۇكىل الەمنىڭ زور الاڭداۋشىلىعىن تۋدىرىپ وتىرعان كوروناۆيرۋس ىندەتىمەن كۇرەس سياقتى ماسەلەلەر، ۇنەمى ەلباسىنىڭ نازارىندا جانە وسى جاعدايلاردىڭ سالدارىن رەتكە كەلتىرۋگە قاۋىپسىزدىك كەڭەسىنىڭ مۇشەلەرىن جۇمىلدىرىپ، كوپ جىلدىق مول باسقارۋشىلىق تاجىريبەسىمەن بولىسۋدە»، - دەيدى ساراپشى.
قورداي وقيعاسى تۋرالى ەلباسىنىڭ: «بۇل وقيعا مەنى قاتتى الاڭداتادى. وتىز جىل بويى حالقىمىزبەن بىرگە ەداۋىر قيىندىقتاردى وتكەرىپ ەدىك. جاستار بۇل قيىندىقتاردى ءتىپتى ەلەستەتە دە المايدى»، - دەگەن ءسوزىنىڭ استارىندا بۇگىنگى كۇنىمىزدىڭ يگىلىگىن وتكەنىمىزگە، مەملەكەت قۇرۋداعى كۇردەلى جولىمىزعا ءاردايىم باعا بەرە وتىرىپ سەزىنۋ كەرەك دەگەن وي جاتىر.
«جامبىل وبلىسىنىڭ قورداي اۋدانىندا ورىن العان جايتتى قالپىنا كەلتىرۋ جۇمىستارى ءتيىستى قارقىنمەن ءجۇرىپ جاتىر. دەگەنمەن وقيعانىڭ سەبەبىن جان-جاقتى، كەشەندى تۇردە زەرتتەپ، وسىدان ساباق الۋ ارقىلى مۇنداي كونفليكتىلەردى بولدىرماۋ تەك مەملەكەتتىك ورگاندار، قۇزىرەتتى تۇلعالار، ق ح ا وكىلدەرىنىڭ، ساراپشى- زەرتتەۋشىلەردىڭ عانا جاۋاپكەرشىلىگىمەن شەكتەلمەگەنى دۇرىس. وسى كۇندەرى ايتىلىپ جاتقان پىكىرلەر، ۋاجدەر، ۇندەۋلەر ەلىمىزدەگى پىكىر الۋاندىعىنىڭ، ءتىپتى قاراما-قايشى ۇستانىمداردىڭ ايقىن كورىنىسى بولدى. سول سەبەپتى ءاربىر قازاقستان ازاماتىنىڭ ەڭ باستى قۇندىلىعى - ەلدەگى تۇراقتىلىق ەكەنىن تاعى قايتالايمىز»، - دەدى ءا. نازاربەتوۆا.
سپيكەردىڭ ايتۋىنشا، جەر- جاھاندى ورتاق ءقاۋىپ- قاتەرگە بوي الدىرىپ وتىرعان كوروناۆيرۋس دەرتىنىڭ ءورشۋى دە ادامزات تاعدىرىنا اسەر ەتەتىن فاكتورلاردىڭ كەنەتتەن پايدا بولاتىنىن، ونىمەن كۇرەستە بارلىعىمىزدىڭ بىرىگۋىمىز قاجەت ەكەنىن ايعاقتايدى.
«سەبەبى كوروناۆيرۋس سالدارى الەمدىك ەكونوميكاعا، ياعني الەم حالىقتارىنىڭ تۇرمىس- تىرشىلىگىنە اسەر ەتپەي قويمايدى. ق ر تۇڭعىش پرەزيدەنتى - ەلباسى ن. ءا. نازاربايەۆتىڭ قاۋىپسىزدىك كەڭەسىنىڭ كۇن تارتىبىنە اتالعان ماسەلەلەردى شىعارۋى ولاردىڭ اۋقىمدىلىعىنا جانە قاۋىپسىزدىگىمىزگە سىن-قاتەر ەكەندىگىنە ءمان بەرگىزدى، سالدارىن ەڭسەرۋدە ورتاق جاۋاپكەرشىلىكتىڭ ماڭىزدىلىعىن كورسەتتى»، - دەدى اسەل نازاربەتوۆا.