اقمولا وبلىسىندا مال شارۋاشىلىعى قارقىندى دامىپ كەلەدى

كوكشەتاۋ. قازاقپارات - اقمولا وبلىسىندا مال شارۋاشىلىعى قارقىندى دامىپ كەلەدى.

2020 -جىلى 4600 باسقا ارنالعان 9 تاۋارلى ءسۇت فەرماسىنىڭ قۇرىلىسى باستالادى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

اقمولا وبلىسى ەلىمىزدەگى اگروونەركاسىپ سالاسى قارقىندى دامىعان وڭىرلەردىڭ ءبىرى. وڭىردە ەگىنشىلىكپەن بىرگەن مال شارۋاشىلىعىنا دا ەرەكشە كوڭىل بولىنۋدە.

مەملەكەتتىك قولداۋدىڭ ارقاسىندا وبلىستا جىل وتكەن سايىن مال باسى كوبەيىپ كەلەدى. بۇل سالا ەتتى جانە ءسۇتتى باعىتتا دامۋدا. وتكەن جىلى 150 ەت ءوندىرۋ فەرماسى اشىلىپ، اسىل تۇقىمدى 10 مىڭ باس ءىرى قارا ساتىپ الىندى. سونداي-اق، ءتورت تاۋارلى - ءسۇت فەرماسى اشىلدى.

دەگەنمەن، وبلىستىڭ بار جەتىستىگى بۇل عانا ەمەس، ەندى جەرگىلىكتى ماماندار ىشكى نارىقتاعى سۇرانىستى قاناعاتتاندىرىپ، ءوڭىردىڭ ەكسپورتتىق الەۋەتتىن ارتتىرماقشى. بۇل ءۇشىن 2022 -جىلى ەت ءوندىرىسىن 120 مىڭ تونناعا، ءسۇت ءوندىرىسىن 200 مىڭ تونناعا جەتكىزۋ مىندەتى قويىلىپ وتىر.

سونىمەن قاتار، اۋدانداردا 7 مىڭ ءىرى قاراعا ارنالعان مال بورداقىلاۋ الاڭى مەن 135 ەت ءوندىرۋ فەرماسىن اشۋ جوسپارلانعان. ونىڭ ءبىرى - ارشالى اۋدانىندا 7 مىڭ مالعا ارنالعان («Aizet farms» ج ش س)، كوشەتاۋ قالاسىندا 5 مىڭ مالعا ارنالعان («بيبورد» ج ش س») جانە سەلينوگراد اۋدانىندا («اگروپارك» ج ش س).

وڭىردە ءسۇت باعىتىنداعى مال شارۋاشىلىعىن دامىتۋعا دا كوڭىل ءبولىنىپ كەلەدى. بيىلعى جىلى 4600 سيىرعا ارنالعان 9 تاۋارلى- ءسۇت فەرماسىنىڭ قۇرىلىسى باستالادى. ونىڭ ىشىندە ءۇش ءىرى فەرما اقكول، استراحان جانە اتباسار اۋداندارىندا جوسپارلانىپ وتىر.

جالپى، اگروونەركاسىپ سالاسىنداعى جاڭا جوبالار وتاندىق ءوندىرىستى دامىتىپ، «قازاقستاندا جاسالعان» تاۋار بەلگىسىمەن شىعارىلاتىن ءونىم كولەمىن ارتتىرۋعا مۇمكىندىك بەرەدى.