قازاقستاننىڭ التىن- ۆاليۋتا قورى ارتتى - ۇلتتىق بانك

نۇر-سۇلتان. قازاقپارات – ق ر ۇلتتىق بانك ءتوراعاسىنىڭ ورىنباسارى اقىلجان بايماعامبەتوۆ ەلىمىزدىڭ التىن- ۆاليۋتا قورى تۋرالى ايتتى، دەپ حابارلايدى قازاقپارات ءتىلشىسى.

«الدىن الا مالىمەتتەر بويىنشا، ۇلتتىق بانكتىڭ التىن- ۆاليۋتا رەزەرۆتەرى 2020-جىلدىڭ قاڭتارىندا 1,2 پايىزعا، ياعني 29,3 ميلليارد ا ق ش دوللارىنا دەيىن ارتتى. نەگىزىنەن، ول التىنعا بايلانىستى وپەراتسيانىڭ جۇرگىزىلۋى مەن ونىڭ قۇنىنىڭ ارتۋى ناتيجەسىندە مۇمكىن بولدى. الدىن الا مالىمەتكە قاراعاندا، ۇلتتىق قوردىڭ اكتيۆتەرى ءبىر ايدا 1 پايىزعا تومەندەپ، 61,1 ميلليارد دوللاردى قۇرادى. بۇعان رەسپۋبليكالىق بيۋجەتكە كەپىلدەندىرىلگەن ترانسفەرتتى ءبولۋ سەبەپ بولدى»، - دەدى بايماعامبەتوۆ ۇكىمەت وتىرىسىندا.

ونىڭ سوزىنە قاراعاندا، 1- اقپانداعى جاعداي بويىنشا جالپى حالىقارالىق رەزەرۆتەر 90,4 ميلليارد ا ق ش دوللارىن قامتىدى.

بۇدان بولەك ۇ ب وكىلى قازاقستان حالقىنىڭ دەپوزيتتەرى تۋرالى ايتىپ بەردى.

«2019-جىلعى جەلتوقسان ايىنىڭ سوڭىندا دەپوزيت كولەمى 19 تريلليون تەڭگەنى قۇرادى. ۇلتتىق ۆاليۋتاداعى سالىمدار 4,1 پايىزعا، شەتەل ۆاليۋتاسىندا 3,9 پايىزعا ءوستى. ناتيجەسىندە، دەپوزيتتەردىڭ دوللارلانۋى بىلتىرعى جەلتوقسان ايىندا 43,1 پايىزعا دەيىن تومەندەدى»، - دەدى بايماعامبەتوۆ.

وسى ورايدا، ول تەڭگەدەگى سالىمدار بويىنشا ستاۆكالار ءوزىنىڭ تارتىمدىلىعىن ساقتاپ تۇرعانىن اتاپ ءوتتى.