ەلوردادا قانشا «سەرگەك» كامەراسى بار؟

None
None
نۇر-سۇلتان. قازاقپارات - 2019-جىلى نۇر-سۇلتان قالاسىنىڭ قوعامدىق ورىندارىندا جاسالعان قىلمىستاردىڭ سانى 44,9 پايىزعا ازايدى، دەپ حابارلايدى قازاقپارات ءتىلشىسى.

ەلوردا اكىمىنىڭ ورىنباسارى ماليكا بەكتۇروۆانىڭ ايتۋىنا قاراعاندا، 2018-جىلى قالانىڭ قوعامدىق ورىندارىندا 14 مىڭنان استام قۇقىقبۇزۋشىلىق جاسالسا، 2019-جىلى بۇل كورسەتكىش 8 مىڭعا دەيىن تومەندەگەن. ونىڭ ىشىندە، قالا كوشەلەرىندە جاسالعان قىلمىستار 38,4 پايىزعا ازايعان. بۇزاقىلىق ارەكەتتەر سانى 52,3 پايىزعا تومەندەگەن.

«بۇگىنگى تاڭدا استانادا «سەرگەك» قوعامدىق جانە جول قاۋىپسىزدىگى جوباسى بويىنشا 13 مىڭ كامەرا ورناتىلدى. ونىڭ ىشىندە 10 مىڭى قالاداعى قوعامدىق ءتارتىپتى قاداعالايدى. بۇل كامەرالاردىڭ دەرەكتەرى كوشەلەردە بولىپ جاتقان جاعدايدى پوليتسيا قىزمەتكەرلەرى باقىلايتىن احۋال ورتالىعىنا بەرىلەدى. جول قيىلىستارىندا جانە جولدىڭ جەلىلىك ۋچاسكەلەرىندە ورناتىلعان اپپاراتتىق-باعدارلامالىق كەشەندەردىڭ قۇرامىنا كىرەتىن شولۋ كامەرالارى دا ەلوردادا قوعامدىق قاۋىپسىزدىكتى باقىلاۋعا مۇمكىندىك بەرەدى»، - دەپ جازادى ماليكا بەكتۇروۆا Тelegram -پاراقشاسىندا.

كامەرالار قالانىڭ تۇپكىر اۋداندارىندا، مەكتەپتەردىڭ جانىندا، قوعامدىق ورىنداردا ورنالاسقان. سونداي-اق، مەكتەپتەردە، بالاباقشالاردا، قوعامدىق ورىندار اۋماعىندا استاناداعى قاۋىپسىزدىكتىڭ دەڭگەيىن ارتتىرۋ ماقساتىندا مەنشىكتى كامەرالاردى ينتەگراتسيالاۋ جۇمىستارى جۇرگىزىلىپ جاتىر.

سوڭعى جاڭالىقتار