ۇكىمەت كوميسسياسىنىڭ مۇشەلەرى قورداي اۋدانىنداعى بىرنەشە اۋىلدىڭ تۇرعىندارىمەن كەزدەستى

None
None
جامبىل وبلىسى. قازاقپارات – ق ر پرەمەر-ءمينيسترىنىڭ ورىنباسارى بەردىبەك ساپاربايەۆ قورداي اۋدانىنداعى سورتوبە، ماسانچي، اۋقاتتى جانە قاراكەمەر اۋىلىنىڭ تۇرعىندارىمەن كەزدەسۋ وتكىزدى، دەپ حابارلايدى قازاقپارات.

كەزدەسۋلەرگە پارلامەنت سەناتىنىڭ ۆيتسە-سپيكەرى بەكتاس بەكنازاروۆ، جامبىل وبلىسىنىڭ اكىمى اسقار مىرزاحمەتوۆ، ق ح ا ءتوراعاسىنىڭ ورىنباسارى جانسەيىت تۇيمەبايەۆ، پارلامەنت ءماجىلىسىنىڭ دەپۋتاتى باقىتبەك سماعۇل قاتىستى.

اۋىل تۇرعىندارىمەن كەزدەسۋدە ۇكىمەت كوميسسياسىنىڭ مۇشەلەرى قۇقىقتىق ءتارتىپتى ساقتاۋ، كەلتىرىلگەن زالالدى قالپىنا كەلتىرۋ، بولعان وقيعانىڭ جاي-جاپسارىن وبەكتيۆتى انىقتاۋ، بىرلىك پەن تاتۋلىقتى ساقتاۋ بويىنشا بۇدان كەيىنگى شارالار، بولاشاقتا مۇنداي كيكىلجىڭدەرگە جول بەرمەۋ شارالارىن قابىلداۋ ماسەلەلەرىن تالقىلادى.

سونىمەن قاتار جەرگىلىكتى تۇرعىنداردى ۇستالعان ازاماتتاردىڭ تاعدىرى الاڭداتتى.

«قۇقىققا قايشى ارەكەت جاساماعاندار بوساتىلاتىن بولادى. تارتىپسىزدىككە قاتىسقانداردىڭ بارلىعى زاڭ بويىنشا جاۋاپ بەرەدى. قازىر جەدەل تەرگەۋ توبى جۇمىس ىستەپ جاتىر، ول بارلىق جاعدايدى انىقتايتىن بولادى»، - دەدى ۆيتسە-پرەمەر.

تۇرعىندار اۋىلداستارىن سابىرعا، ءتارتىپتى ساقتاۋعا شاقىردى.

«ق ر زاڭدارى بار، قۇقىق قورعاۋ ورگاندارى بار - مۇنى باستى نازارعا الۋ كەرەك. نە بولعانىنا وبەكتيۆتى ساراپتاۋ جاساپ، كىم كىنالى ەكەنىن انىقتاۋ كەرەك. ءبىز ءوز بەتىمەن جازالاۋعا جول بەرمەۋىمىز كەرەك. باستىسى - قوعامدا بەيبىتشىلىكتى، بىرلىك پەن كەلىسىمدى ساقتاۋ»، - دەدى اۋىل تۇرعىندارىنىڭ ءبىرى.

ۇكىمەت كوميسسياسى قورداي اۋدانىندا جۇمىسىن جالعاستىرۋدا.


سوڭعى جاڭالىقتار