13:46, 09 - اقپان 2020 | GMT +6
الماتى باراحولكاسىندا قاقتىعىسقا شاقىرعاندار انىقتالدى
نۇر- سۇلتان. قازاقپارات - ىشكى ىستەر ءمينيسترىنىڭ ورىنباسارى الەكسەي كالايچيدي الماتىنىڭ «باراحولكاسىندا» قاقتىعىس تۋعىزباق بولعان ارانداتۋشىلاردىڭ انىقتالعانىن ءمالىم ەتتى، دەپ حابارلايدى قازاقپارات ءتىلشىسى.
«ولار ۇستالدى دەپ ايتا المايمىن. ءبىراق انىقتالدى. ولاردىڭ بارلىعى بويىنشا جۇمىس اتقارىلادى. سەبەبى ول جەردە جانجالعا شاقىرۋ بويىنشا اكىمشىلىك تە، قىلمىستىق تا قۇرام بار»، - دەدى الەكسەي كالايچيدي و ك ق- دا وتكەن باسپا ءسوز ءماسليحاتىنان كەيىن تىلشىلەرگە.
ايتا كەتۋ كەرەك، كەشە قايعىلى وقيعادان كەيىن الەۋمەتتىك جەلىدە الماتى بازارىندا كوپشىلىكتى قاقتىعىسقا شاقىرعان ادامداردىڭ ۆيدەوسى تاراعان بولاتىن.
ەسكە سالا كەتەيىك، 7 - اقپاندا جامبىل وبلىسى قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولدى. كوپ وتپەي پرەزيدەنت قاسىم- جومارت توقايەۆ جامبىل وبلىسى قورداي اۋدانىندا بولعان جاپپاي توبەلەسكە قاتىستى پىكىر بىلدىرگەن- ءدى.
اۆتور: ايان بەكەن ۇلى