باس پروكۋراتۋرا: حالىقتى سابىر ساقتاۋعا شاقىرامىز

نۇر- سۇلتان. قازاقپارات - باس پروكۋروردىڭ ورىنباسارى بولات دەمبايەۆ قوردايداعى وقيعا بويىنشا قىلمىستىق قۋدالاۋ ورگاندارى كىنالىلەردى تاۋىپ، ولاردى جاۋاپكەرشىلىككە تارتۋ ءۇشىن بارلىق شارانى جۇزەگە اسىراتىنىن مالىمدەدى، دەپ حابارلايدى قازاقپارات ءتىلشىسى.

«ىشكى ىستەر ءمينيسترى ايتقانداي، قوردايداعى وقيعا بويىنشا بىرنەشە قىلمىستىق ءىس قوزعالدى. ۆەدومستۆوارالىق جەدەل تەرگەۋ توبى قۇرىلادى. ءىستىڭ بارىسى باس پروكۋروردىڭ نازارىندا. قىلمىستىق قۋدالاۋ ورگاندارى كىنالىلەردى تاۋىپ، ولاردى جاۋاپكەرشىلىككە تارتۋ ءۇشىن بارلىق شارانى جۇزەگە اسىرادى. زارداپ شەككەندەردە قاجەتتى قۇقىقتىق كومەك بەرىلەدى. قازىرگى ۋاقىتتا قۇقىق قورعاۋ ورگاندارى زاڭدىلىقتى، قوعامدىق قاۋىپسىزدىك پەن قۇقىقتىق ءتارتىپ ساقتاۋ شارالارىن قامتاماسىز ەتىپ وتىر»، - دەدى باس پروكۋروردىڭ ورىنباسارى و ك ق- دا وتكەن باسپا ءسوز ءماسليحاتىندا.

بولات دەمبايەۆ ايتىپ وتكەندەي، جەكە ادامدار بولعان وقيعانى بۇرمالاپ جاتقانىن، جالعان اقپارات تاراتىپ جاتقانىن جەتكىزدى.

«وسىعان بايلانىستى قوعامدىق ءتارتىپتى ساقتاپ، ەسكەرتۋ ءۇشىن بۇكىل ەلگە - قازاقستاننىڭ كونستيتۋتسياسى ۇلتارالىق كەلىسىمدى بۇزارلىق كەز كەلگەن ارەكەتتى تىيىم سالاتىنىن جەتكىزگىمىز كەلەدى. كونستيتۋتسيانىڭ اتالعان تالابىن ورىنداماۋدىڭ سالدارى ۇلتارالىق ارازدىقتى تۋعىزۋ، جاپپاي تارتىپسىزدىككە ۇيىمداستىرۋ، جالعان اقپارات تاراتۋ ىستەرى بويىنشا قىلمىستىق جاۋاپكەرشىلىككە اكەپ سوعادى. حالىقتى سابىر ساقتاۋعا، پروۆوكاتسياعا بەرىلمەي، شىندىققا ساي كەلمەيتىن اقپاراتتى تاراتپاۋعا شاقىرامىز. تەرگەۋ امالدارىنا قاتىستى بارلىق اقپارات ءى ءى م مەن باس پروكۋراتۋراعا جولدانىپ وتىرادى. وسى ۆەدومستۆولاردىڭ ينتەرنەت- سايتتارىندا جاريالانادى» ، - دەدى ول.

باس پروكۋروردىڭ ورىنباسارى قۇقىق قورعاۋ ورگاندارى كەز كەلگەن ءتارتىپ بۇزۋشىلىقتىڭ جولىن كەسىپ، ولارعا جول بەرمەۋدىڭ بارلىق امالىن قاراستىراتىنىن مالىمدەدى.

ەسكە سالا كەتسەك، بۇعان دەيىن ىشكى ىستەر ءمينيسترى ەرلان تۇرعىمبايەۆ قوردايداعى وقيعا سالدارىنان 8 ادامنىڭ كوز جۇمعانىن ءمالىم ەتكەن ەدى.

اۆتور: ايان بەكەن ۇلى