ا ق ش ينۆەستورلارى تۇركىستان وبلىسىندا ەلىمىزدە تەڭدەسى جوق جوبانى باستاماق
وتىرىستا وبلىستىڭ ەگىن جانە مال شارۋاشىلىعى سالاسىن دامىتۋ ماسەلەلەرى تالقىلاندى، دەپ حابارلايدى قازاقپارات.
تۇركىستان وبلىسى اكىمىنىڭ باسپا ءسوز قىزمەتىنەن ءمالىم ەتكەندەي، الەمدىك نارىقتا جوعارى ساپالى تەحنولوگياسىمەن تانىمال بولعان ايگىلى كومپانيا بۇل ورايدا ۇتىمدى جوبالارىن ۇسىنعان بولاتىن. سونىڭ اياسىندا «Turkestan agro.kz» كومپانياسىمەن بىرلەسە ارىس قالاسىندا 4 مىڭ گەكتار جەردە جاڭبىرلاتىپ سۋارۋ ءادىسىن ەنگىزىپ، مال ازىعىن ەگۋدى قولعا الادى.
«امەريكالىق ينۆەستورلار ايماقتىڭ ەگىن شارۋاشىلىعى ءۇشىن قولايلى كليماتى قىزىقتىرىپ وتىر. شەتەلدىك ءىرى كومپانيا يەلەرى ونىممەن ىشكى نارىقتى قامتاماسىز ەتۋدى، ەكسپورتقا شىعارا وتىرىپ، ايماقتىڭ ەكونوميكالىق دامۋ قارقىنىن كوتەرۋدى كوزدەيدى. ارىسقا نازارى اۋعان ا ق ش ينۆەستورلارىنىڭ تەحنولوگيالارى قاشىقتىقتان باسقارىلىپ، سۋ، ەلەكتر جارىعىن تۇتىنۋدا دا وتە ۇنەمدى. بىرلەسكەن جوبا ەڭ الدىمەن، جاڭبىرلاتىپ سۋارۋ جۇيەلەرىن ورناتۋ جانە قولدانىستاعى ينفراقۇرىلىمدى جەتىلدىرۋ جۇمىستارىمەن باستالماق. شەتەلدىك كومپانيا وكىلدەرى، سونىمەن قاتار مال شارۋاشىلىعى سالاسىن دامىتۋعا دا ءوز ۇلەستەرىن قوسپاق. ارپا مەن جۇگەرى ەگىپ، مال شارۋاشىلىعىن دامىتپاق. دالىرەك ايتقاندا، 20000 ءىرى قارا مالدى بورداقىلاۋعا ارنالعان اشىق الاڭدى سالۋدى جوسپارلاۋدا»، - دەدى اكىمدىكتەن.
ءومىرزاق شوكەيەۆ ەكى تاراپقا دا ءتيىمدى ءارى ءوڭىردىڭ ەكونوميكاسىنا ۇتىمدى جوباعا اكىمدىكتەن قولداۋ كورسەتىلەتىنىن اتاپ ءوتتى. جانە ەلىمىزدە تەڭدەسى جوق بىرەگەي جوبا باسقا اۋماقتاردا جالعاسىن تابۋى كەرەك ەكەنىن ەسكەردى.
