قازاقستاندا باس مي ىسىگىمەن اۋىراتىن ناۋقاستار سانى ارتىپ بارادى
ديسپانسەرلىك ەسەپتە تۇرعانداردىڭ سانى قازىردىڭ وزىندە 180 مىڭنان اسىپ جىعىلادى. قاۋىپتىسى سول - كەيىنگى جىلدارى اتى جامان اۋرۋدىڭ جاڭا تۇرلەرى پايدا بولعان.
دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، الەمدە قاتەرلى ىسىك ءورشىپ بارادى. ءبىزدىڭ ەلدە اسىرەسە ءسۇت بەزى، وكپە، اسقازان، جاتىر موينى، توق ىشەك جانە مي وبىرلارى كوپ تاراعان.
نۇرجان رىسكەلديەۆ، «ۇلتتىق نەيروحيرۋرگيا ورتالىعى» ا ق ءبولىمىنىڭ مەڭگەرۋشىسى:
- سالىستىرمالى تۇردە ايتقاندا، 2018 -جىلى 670-تەي وپەراتسيا جاسالعان بولسا، 2019 -جىلى جاسالعان وپەراتسيا سانى شامامەن 685. كەي جىلدارى 20 وپەراتسياعا ءوسىپ وتىرادى. ول ءبىر جاعىنان باس مي ىسىكتەرىنىڭ دياگنوستيكاسىنىڭ وسۋىنە بايلانىستى. ورتا جاسى باس مي ىسىگىمەن اۋىراتىن ناۋقاستاردىڭ 45 جاس.
ۇلبولسىن حاسەنوۆا وبىرعا شالدىققان. اتىراۋ وبلىسىنان ەلورداداعى نەيروحيرۋرگيالىق ورتالىققا جەتكىزىلىپتى. وپەراتسيا جاسالعان. كەيىپكەرىمىز باستاپقىدا سىرقاتتانىپ جۇرە بەرگەن. «قاتەرلى ىسىك پە» دەگەن كۇمانى دە بولماپتى.
ۇلبولسىن حاسەنوۆا، اتىراۋ وبلىسىنىڭ تۇرعىنى:
- اۋىردىم ۇيدە. باسىم قاتتى اۋىردى. قان قىسىمىم كوتەرىلىپ كەتتى دەپ جەدەل جاردەم شاقىرتتىم، ودان حوندروز بولار دەپ، ءسويتىپ- ءسويتىپ جۇرە بەردىم ۇيدە. ودان قان قىسىمى دا، حوندروز دا بولماي، وسىنداي اۋرۋ بوپ قالدىم عوي. السىرەپ، اياعىمدى باسا الماي قالدىم. دياگنوستيكادان دەر كەزىندە وتكەن دۇرىس. سوندا قاتەرلىك ىسىكتى ەرتە انىقتاپ، جويۋعا مۇمكىندىك مول.
قاپەرىڭىزدە ءجۇرسىن، ەلدە تەگىن ونكوسكرينينگتەر جاسالادى. ادامدار وبىردىڭ ءۇش ءتۇرى بويىنشا اقىسىز تەكسەرىستەن وتە الادى. اتاپ ايتساق، ءسۇت بەزى وبىرىنان 40 جاستان 70 جاسقا دەيىنگى ايەلدەر، توق ىشەك وبىرىنان 50-دەن 70 جاس ارالىعىنداعى ادامدار، سونداي- اق جاتىر موينى وبىرىنان 30-دان اسقان ازاماتشالار ەمحانالاردا تەكسەرىستەن وتۋىنە بولادى.
www.24.kz