+7 (701) 759 90 19
5 °С : نۇر-سۇلتان
6 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

قىتايدا سوتتالعان اقجارقىن تۇرلىباي راقىمشىلىققا ءىلىنۋى مۇمكىن

6 اقپان 09:45
:ءبولىسۋ
قىتايدا سوتتالعان اقجارقىن تۇرلىباي راقىمشىلىققا ءىلىنۋى مۇمكىن

نۇر-سۇلتان. قازاقپارات - قىتايدا ءومىر بويىنا باس بوستاندىعىنان ايىرىلعان اقجارقىن تۇرلىباي قازاقستانعا قايتارىلسا، راقىمشىلىققا ءىلىنۋى مۇمكىن.

بۇل تۋرالى باس پروكۋروردىڭ ورىنباسارى مارات احمەتجانوۆ مالىمدەدى دەپ حابارلايدى حابار24.

احمەتجانوۆتىڭ ايتۋىنشا، قازىر وتانداسىمىز قىتاي سوتىنىڭ ۇكىمىمەن كەلىسپەي، اپپەلياتسيالىق شاعىم تۇسىرگەن. وسى پروتسەسس اياقتالعان سوڭ باس پروكۋراتۋرا وكىلدەرى اقجارقىندى ەلگە قايتارىپ الۋ ماسەلەسىمەن اينالىسادى.

قازىر قازاقستان مەن قىتاي اراسىندا سوتتالعانداردى ەكستراديتسيالاۋ تۋرالى كەلىسىم بار. سونىڭ نەگىزىندە اقجارقىن تۇرلىبايدى ەلگە الدىرۋعا مۇمكىندىك بولماق.

ەگەر ول ەلگە قايتارىلىپ، قازاقستاندا راقىمشىلىق ناۋقانى وتكىزىلسە، قازاق قىزىنا كەشىرىلىم بەرىلۋى ابدەن مۇمكىن.

ءبىزدىڭ تاراپ قازىر قىتاي سوتىنىڭ شەشىمى زاڭدىق كۇشىنە ەنگەنىن كۇتىپ وتىر.

«ءبىز رەسمي تۇردە قىتاي مەملەكەتىنە ونداي ارىز- شاعىم ءتۇسىپ جاتقان كەزدە ەگەر ول كىسىلەر جازاسىن قازاقستاندا وتەيمىز دەسە، سۇراۋ جىبەرەمىز. ءبىزدىڭ شارتتار بويىنشا ەگەر قازاقستاندا راقىمشىلىق بولسا، ءاربىر كەلىسىمدە ءارتۇرلى جازىلعان (قانداي مەملەكەتپەن قالاي كەلىسەمىز) ، ونداي مۇمكىندىكتەر بار تولىق»، - دەيدى مارات احمەتجانوۆ.

ەسكە سالا كەتەيىك، اقجارقىن تۇرلىباي 2014 -جىلى ناۋرىزدا گۋاڭجوۋ اۋەجايىندا ۇستالعان بولاتىن. وعان شەكارادان 4,5 كەلى ەسىرتكىنى الىپ وتپەك بولدى دەگەن ايىپ تاعىلدى.

ول كەزدە وتانداسىمىز 20 جاستا بولعان ەدى. 2015 -جىلدىڭ ماۋسىمىندا قىتاي سوتى ونى ءومىر بويىنا باس بوستاندىعىنان ايىردى. سوتتا اقجارقىن شەتەلدىك دوسى الداپ كەتكەنىن ايتىپ، كىناسىن مويىنداعان جوق.

2016 -جىلى سوت شەشىمى جويىلىپ، ءىس قايتا قاراۋعا جىبەرىلگەن ەدى.

وتكەن جىلى 3-قىركۇيەكتە قىتايدىڭ گۋاڭجوۋ قالالىق سوتىندا اقجارقىن تۇرلىبايدىڭ ءىسى بويىنشا وتىرىس ءوتتى. وتىرىستا قورعاۋشى تاراپ ۇسىنعان قىلمىستىق ءىس ماتەريالدارى قارالدى.

ال 9-قىركۇيەكتە وتانداسىمىزدىڭ اناسى زۋحرا سەيتىموۆا قازاقستان پرەزيدەنتىنە كومەك سۇراپ حات جازعان ەدى.

وسىدان كەيىن مەملەكەت باسشىسى قاسىم-جومارت توقايەۆ قىتايعا جاساعان ساپارى بارىسىندا اقجارقىن تۇرلىبايدىڭ ماسەلەسىن كوتەردى.

وتكەن جىلدىڭ 27-جەلتوقساندا گۋاڭجوۋ سوتىندا اقجارقىن تۇرلىبايعا قاتىستى سوت شەشىمى وزگەرىسسىز قالدى.



باستى سوزدەر: وتانداستار,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات