كوروناۆيرۋس مۇناي باعاسىنا اسەر ەتىپ وتىر
ازەربايجاندىق InvestAZ ينۆەستيتسيالىق كومپانياسىنىڭ اپتالىق قورىتىندىسىنا سايكەس، مۇناي باررەلىنىڭ قۇنى 52 دوللارعا دەيىن تومەندەيدى دەپ بولجانۋدا. باعانىڭ ديناميكاسىنا سارسەنبىدە انىقتالاتىن ا ق ش-تاعى مۇناي مەن بەنزين قورى تۋرالى ماڭىزدى مالىمەت اسەر ەتەدى.
سونداي-اق، InvestAZ ساراپشىلارى حالىقارالىق قارجى نارىعىنداعى احۋال تۋرالى ايتتى جانە قىسقامەرزىمدى بولجامداردى ۇسىندى.
قىتايدا تابىلعان كوروناۆيرۋستىڭ تەز تارالۋى حالىقارالىق ۆاليۋتا بيرجالارىنداعى بەلگىسىزدىكتى كۇشەيتىپ، دوللارعا سۇرانىستىڭ ارتۋىنا الىپ كەلەدى.
سونىمەن، EUR / USD باعامى بويىنشا قازىرگى ۋاقىتتا كۋرس ءبىر ەۋرو ءۇشىن 1,09 دوللارعا دەيىن وزگەرۋى مۇمكىن دەگەن بولجام بار.
سونىمەن قاتار، ينۆەستورلار دۇيسەنبىدە ا ق ش ونەركاسىپ سەكتورىنداعى ىسكەرلىك بەلسەندىلىكتىڭ ماڭىزدى فۋندامەنتالدى كورسەتكىشتەرىنە، جۇمادا ا ق ش-تاعى ەڭبەك نارىعىنىڭ نەگىزگى كورسەتكىشتەرىنە، سونداي-اق كوروناۆيرۋستىڭ الەمدىك ەكونوميكاعا اسەرى تۋرالى مالىمەتتەردى انىقتاۋعا نازار اۋدارادى.
GBP / USD كۋرسى دا ءدال وسىنداي سەبەپتەر بويىنشا قىسىمعا ۇشىرايدى، ەگەر فۋنت كۋرسى 1,32 دوللار بەلگىسىنەن جوعارى بولسا، ترەند تە وسەدى.
قاڭتاردا كەلىسىلگەن برەكسيت وتكىزىلگەننەن كەيىن ينۆەستورلار ە و-مەن ساۋدا كەلىسىمى بويىنشا كەلىسسوزدىڭ ناتيجەسىنە نازار اۋدارۋدا.
تۇرىك ليراسىنىڭ باعامىندا دا تومەندەۋ بايقالادى، ول ءبىر دوللار ءۇشىن 6,03 ليرا دەڭگەيىنە دەيىن جالعاسۋى مۇمكىن.
دۇيسەنبى كۇنى ساعات 11:00-دە تۇركياداعى ينفلياتسيا تۋرالى اقپاراتتىڭ شىعۋى ينۆەستورلاردىڭ نازارىندا.
الەمدە ساياسي جانە ەكونوميكالىق تاۋەكەلدەردىڭ بولۋى ءتۇستى مەتالدار نارىعىندا التىنعا دەگەن سۇرانىستىڭ جوعارى قالپىندا قالۋىنا ىقپال ەتەدى.
وتكەن اپتادا ءبىر ۋنسيانىڭ باعاسى قايتادان كوتەرىلدى، ەندى 1588 دوللارعا دەيىن جوعارىلاۋى مۇمكىن دەگەن بولجام بار (گرامى - 51,1 دوللار). ساراپتاماعا سايكەس، ەگەر باعا ءتىپتى وسى دەڭگەيگە جەتسە، وندا باعانىڭ ءوسۋى 1600 دوللارعا دەيىن جالعاسۋى مۇمكىن (گرامى - 51,5 دوللار).
اۆتور: زارينا قاھارمان