+7 (701) 759 90 19
34 °С : نۇر-سۇلتان
32 °С : الماتى
USD 414.13 EUR 451.40
RUB 5.80 CNY 58.03
جاڭالىقتار

سەرىك بەردىمۇرات ۇلى دزيۋدودان موڭعوليا چەمپيونى اتاندى - شەتەلدەگى قازاق ءتىلدى ب ا ق- قا شولۋ

3 اقپان 20:05
:ءبولىسۋ
سەرىك بەردىمۇرات ۇلى دزيۋدودان موڭعوليا چەمپيونى اتاندى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات- «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

سەرىك بەردىمۇرات ۇلى دزيۋدودان 2020 -جىلعى ەل چەمپيونى اتاندى - kaznews.mn

دزيۋدودان ورحون ايماعىندا وتكەن موڭعوليا چەمپيوناتىندا، 100 كەلى سالماقتا بەلدەسكەن سەرىك بەردىمۇرات ۇلى وسىمەن ەكىنشى مارتە ەل چەمپيونى اتاندى، دەپ جازادى موڭعوليانىڭ KAZNEWS اقپاراتتىق پورتالى.

«سەرىك بەردىمۇرات ۇلى جارتىلاي فينالدا د. سەرەننيامدى ۇتسا، فينالدا و. حانگال- دى سوڭعى 43 سەكۋندتا تازا ادىسپەن جەڭدى. ەستەرىڭىزگە سالساق، سەرىك بەردىمۇرات ۇلى 2019 -جىلى العاش رەت دزيۋدودان ەرەسەكتەر اراسىندا ەل چەمپيونى اتانعان بولاتىن. 2014 -جىلى ءدال وسى سالماقتا ەل بىرىنشىلىگىنىڭ كۇمىس جۇلدەسىنە، 2017 -جىلى قولا جۇلدەسىنە يە بولعان»، - دەپ جازادى KAZNEWS.

شىڭجان ولكەسى شەتەلدەن مەديتسينالىق ماسكالار ساتىپ الدى - تيانشاننەت

شىڭجان ولكەسىنىڭ ورتالعى ءۇرىمجى قالاسىنا 29 - قاڭتاردا شەتەلدەن يمپورتتالعان ەپيدەمياعا قارسى قولدانىلاتىن تاۋارلار جەتكىزىلدى، دەپ جازادى «تيانشاننەت» اقپاراتتىق پورتالى.

اقپارات كوزىنىڭ دەرەگىنشە، شىڭجاڭ- ۇيعىر اۆتونوميالىق ولكەسىنىڭ ساۋدا دەپارتامەنتى قىتايدا تاراعان كوروناۆيرۋسقا بايلانىستى ەلدەگى مەديتسينالىق ماسكالارعا قاۋىرت قاجەتتىلىك تۋىنداعان سوڭ، شەتەلدەن مەديتسينالىق ماسكالاردى يمپورتتاۋدى ۇيىمداستىرعان. كەلىسىم اياسىندا قازاقستان مەن وزبەكستاننان 1,5 ميلليوننان استام مەديتسينالىق بەتپەردە مەن 300 قورعانىس كيىمى ساتىپ الىنعان. سونداي- اق، قازىرگى كۇنى قىتاي ەلى كوروناۆيرۋسقا بايلانىستى بۇكىل الەمنەن مەديتسينالىق قاجەتتى تاۋارلاردى جەتكىزۋدى قولعا العان.

«شىڭجاڭداعى كوروناۆيرۋستىڭ تارالۋىنان ساقتانىپ، مەديتسينالىق بەتپەردە تاپشىلىعىن بولدىرماس ءۇشىن كاسىپورىندار سوڭعى كۇندەردىڭ وزىندە، نارىققا قوسىمشا 2 ميلليوننان استام مەديتسينالىق ماسكالار شىعارعان. ال قىتايدىڭ ونەركاسىپ مينيسترلىگىنىڭ مالىمەتىنشە، قىتاي الەمدەگى مەديتسينالىق ماسكالار وندىرىسمەن اينالىساتىن جانە ونى شەتەلگە ەكسپورتتايتىن ەڭ ءىرى ەل بولعان. ونىڭ جىلدىق ءوندىرىس كورسەتكىشى الەمدىك نارىقتىڭ 50 پايىزىن ۇستايدى. ەلدەگى ءوندىرىس ورىندارى كۇنىنە 20 ميلليوننان استام مەديتسينالىق ماسكالار شىعارۋعا قاۋقارلى»، - دەپ جازادى «تيانشاننەت» اقپاراتتىق پورتالى.

سوڭعى مالىمەتتەر بويىنشا، شىڭجاندا 18 ادام كوروناۆيرۋستى جۇقتىرعان. مۇنىڭ ىشىندە 5 ادامنىڭ سىرقاتى اۋىر، ولگەن ادام جوق. ال، قازىرگە دەيىن اۋرۋحانادان ناۋقاسى ايىعىپ شىققان ادام جوق. سونىمەن بىرگە ناۋقاستارمەن جاقىن قارىم- قاتىناستا بولعان 902 ادام مەديتسينالىق باقىلاۋعا الىنعان.

تۇرىك اعىنى قۇبىر جەلىسى ارقىلى تابيعي گاز تاسىمالداندى ت ر ت

گازپروم تۇرىك اعىنى قۇبىر جەلىسى ارقىلى العاش رەت 1 ميلليارد تەكشەمەتر تابيعي گازدىڭ تاسىمالدانعانىن ايتتى، دەپ حابارلايدى تۇركيا راديو تەلەديدار پورتالى.

«رەسەيدىڭ گازپروم كومپانياسى جاساعان مالىمدەمەدە وسى ايدىڭ باسىندا ىسكە قوسىلعان «تۇرىك اعىنى» ارقىلى العاش رەت 1 ميلليارد تەكشەمەتر تابيعي گازدىڭ 54 پايىزى تۇركياعا، 46 پايىزى بولگاريا- تۇركيا شەكاراسىنا جىبەرىلگەن. ورىس گازىن تۇركيا جانە تۇركيا ارقىلى ەۋروپاعا جىبەرگەن تۇرىك اعىنىنىڭ اشىلۋ ءراسىمى 8 - قاڭتاردا ستامبۋلدا ءوتىپ، پرەزيدەنت رەجەپ تايىپ ەردوعان جانە رەسەي پرەزيدەنتى ۆلاديمير پۋتين قاتىسقان بولاتىن»، - دەپ جازادى ت ر ت.

موڭعوليا قىتايعا قايتارىمسىز كومەك كورسەتەدى - kaznews.mn

موڭعوليا ۇكىمەتى قىتاي حالىق رەسپۋبليكاسىنا 200 مىڭ ا ق ش دوللار كولەمدە قايتارىمسىز كومەك كورسەتەدى، دەپ جازادى موڭعوليانىڭ KAZNEWS اقپاراتتىق پورتالى.

اتالعان ب ا ق- تىڭ جازۋىنشا، بۇل تۋرالى قورعانىس ءمينيسترى ن. ەنحبولد ۇكىمەتتى وكىلى رەتىندە موڭعوليا پارلامەنتىنە كوروناۆيرۋستىڭ جاڭا تۇرىنەن ساقتانۋ شارالارى بويىنشا ەلدە اتقارىلىپ جاتقان جۇمىستاردى تانىستىرۋ بارىسىندا ايتقان.

«ق ح ر- ىنا كوروناۆيرۋس ينفەكسياسىنىڭ تارالۋىنا بايلانىستى قايتارىمسىز كومەك كورسەتىلەتىن بولدى. ونى ديپلوماتيالىق جولمەن ق ح ر تاراپىنا جەتكىزەمىز. قيىن- قىستاۋ كەزەڭدە كورشىمىزگە قولدان كەلگەنشە كومەك كورسەتكەن دۇرىس دەپ سانادىق»، - دەيدى مينيستر ن. ەنحبولد.

اتالعان اقپارات كوزىنىڭ دەرەگىنشە، قىتايداعى كوروناۆيرۋستىڭ جاڭا ءتۇرى ورشۋىنە بايلانىستى، 26 - قاڭتار كۇنى موڭعوليا ۇكىمەتى ق ح ر- مەن اراداعى كولىكپەن قاتىنايتىن بارلىق شەكارا بەكەتتەرىن بەلگىسىز ۋاقىتپەن جابۋ تۋرالى شەشىم قابىلداعان.

قازاقستان JAC اۆتوكولىكتەرىن وزبەكستانعا ەكسپورتتايدى - «ءوزا» اقپاراتتىق اگەنتتىگى

قوستانايداعى «سارى ارقا اۆتوپروم» ج ش س زاۋىتىندا جاسالعان قىتايدىڭ JAC S3 جانە JAC S5 جول تالعامايتىن اۆتوكولىكتەرى الداعى ۋاقىتتا وزبەكستانعا ەكسپورتتالادى، دەپ حابارلايدى وزبەكستاننىڭ «ءوزا» مەملەكەتتىك اقپاراتتىق اگەنتتىگى.

«KazakhЕxport» تىڭ حابارلاۋىنشا، قازاقستان تاراپى 766 دانا، جالپى قۇنى 11,8 ميلليون دوللاردى قۇرايتىن JAC كولىكتەرىن ساتۋ جونىندە كومپانيانىڭ ەكسپورتتىق- ساقتاندىرۋ ءتوراعاسى رۋسلان يساكوۆ پەن «ۋز اۆتوسانوات» ا ق ءتوراعاسى شاۆكات ۋمۋرزاكوۆ كەلىسىمگە قول قويعان. كەلىسىمدە اۆتوكولىك ەكسپورتىنان بولەك «سارى ارقا اۆتو پروم» ج ش س مەن «UzAuto Motors» اراسىندا اۆتوموبيل جيىنتىقتارىن جەتكىزۋ تۋرالى دا كەلىسىم جاسالعان. قازىردە «سارى ارقا اۆتو پروم» ج ش س زاۋىتىندا JAC ماركالى اۆتوكولىكتەرىنەن باسقا

SsangYong, Peugeot, Toyota, Hyundai

ماركالى اۆتوكولىكتەر شىعادى»، - دەپ جازادى «ءوزا» مەملەكەتتىك اقپاراتتىق اگەنتتىگى.

ترامپ پەن وباما برايانت وتباسىنا كوڭىل ايتتى ت ر ت

امەريكالىق اتاقتى باسكەتبول ويىنشىسى كوبي برايانت كاليفورنيادا تىكۇشاق اپاتىنان قازا تاپتى. وسىعان بايلانىستى ا ق ش باسشىلارى برايانت وتباسىنا كوڭىل ايتتى، دەپ حابارلايدى تۇركيا راديو تەلەديدار پورتالى.

«اپاتتا 9 ادام كوز جۇمعان، ولاردىڭ اراسىندا اتاقتى باسكەتبولشى مەن ونىڭ 13 جاسار قىزى بار. اقش پرەزيدەنتى دونالد ترامپ اقپارات جەلىسىنەن جاساعان مالىمدەمەسىندە كوبي برايانتتىڭ قازا تاپقانىن ايتىپ: «سۋىت حابار بولدى» دەپ جازدى. ال ا ق ش- تىڭ بۇرىنعى پرەزيدەنتى باراك وباما اقپارات جەلىسىنەن جاساعان مالىمدەمەسىندە: «كوبي دوپ مايدانىندا اڭىزعا اينالدى. گيانادان ايىرىلۋ ءبىر وتباسى رەتىندە جۇرەگىمىزدى ورتەدى. ميشەل ەكەۋمىز ۆانەسسا جانە بۇكىل برايانت وتباسىنا وسىنداي تەڭدەسى جوق قايعىلى كۇنىندە سۇيىسپەنشىلىگىمىز بەن دۇعالارىمىزدى جولدايمىز» دەدى»، - دەپ جازادى ت ر ت.

شاۆكات ميرزيايەۆ تۇڭعىش پرەزيدەنتتى ەسكە الىپ قۇرمەت كورسەتتى - «ءوزا» اقپاراتتىق اگەنتتىگى

30- قاڭتار كۇنى وزبەكستان رەسپۋبليكاسىنىڭ تۇڭعىش پرەزيدەنتىنىڭ تۋعان كۇنىنە وراي وزبەكستان رەسپۋبليكاسى پرەزيدەنتى شاۆكات ميرزيايەۆ، يسلام كاريموۆتىڭ ەسكەرتكىشىنە گۇل شوقتارىن قويدى، دەپ حابارلايدى وزبەكستاننىڭ «ءوزا» مەملەكەتتىك اقپاراتتىق اگەنتتىگى.

«مەملەكەت باسشىسىنىڭ شەشىمىمەن تۇڭعىش پرەزيدەنتتىڭ دۇنيەگە كەلگەن كۇنىن، ياعني 30 - قاڭتاردى اتاپ ءوتۋ جاقسى داستۇرگە اينالدى. شاۆكات ميرزيايەۆ «بۇل كۇندى لايىقتى وتكىزۋ ءبىزدىڭ تاريحىمىزعا، تاۋەلسىزدىگىمىزگە بولعان قۇرمەتىمىز بەن ۇلت رەتىندە مادەنيەتىمىزدى كورسەتەدى» دەگەن بولاتىن. تۇڭعىش پرەزيدەنتتى ەسكە الۋ شاراسىندا قۇران وقىلىپ، ونىڭ ەل ءۇشىن اتقارعان ءىرى ىستەرى مەن اسىل ادامي قاسيەتتەرى تۋرالى ايتىلدى»، - دەپ جازادى «ءوزا» مەملەكەتتىك اقپاراتتىق اگەنتتىگى.

اۆتور: باقىتجول كاكەش



باستى سوزدەر: الةم, شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات