قازاقستاندىق ساراپشى مايك پومپەونىڭ ساپارىنا قاتىستى پىكىر ءبىلدىردى
«ا ق ش مەملەكەتتىك حاتشىسى مايك پومپەونىڭ قازاقستانعا قاڭتار ايىندا جۇمىس ساپارىمەن كەلەتىنى بىلتىر تامىز ايىندا نۇر- سۇلتان قالاسىندا وتكەن جابىق وتىرىستا ايتىلدى. ا ق ش پەن يراك اراسىنداعى جاعدايعا بايلانىستى جوسپارلانعان ۋاقىتتا كەلە المادى. ول جۇمىس ساپارىمەن ۋكراينادا، بەلارۋستا بولىپ، قازاقستانعا كەلدى. ەندى س5+1 فورماتى اياسىندا وتەتىن مينيسترلەر كەزدەسۋىنە قاتىسۋ ءۇشىن تاشكەنتكە باردى. ونىڭ وسىندا كەلۋى ا ق ش- تا سايلاۋالدى باعدارلاما جۇرگىزىلىپ جاتقان كەزبەن تۇسپا- تۇس كەلدى. قازان ايىندا ا ق ش- تا پرەزيدەنت سايلاۋى وتەدى. ا ق ش مەملەكەتتىك حاتشىسى سىرتقى ساياساتقا جاۋاپ بەرەتىن ادام رەتىندە دونالد ترامپتىڭ باسقارۋىن ناسيحاتتايتىن بولادى. وسى رەتتە، ا ق ش ورتالىق ازيانى، اۋعانستاندى نازاردان تىس قالدىرمايتىندارىن ايتىپ، جاھاندىق ساياساتقا باسىمدىق بەرەدى» ، - دەيدى بولات اۋەلبايەۆ.
ونىڭ ايتۋىنشا، مايك پومپەو قازاقستانعا كەلگەن كەزدە قىتاي مەن قازاقستان قارىم- قاتىناسى، اۋىلشارۋاشىلىق جانە باسقا دا ماسەلەلەردى كوتەرگەن.
«مۇنىڭ ءبارى ا ق ش مەملەكەت حاتشىسىنىڭ قازاقستانعا كەلۋىنىڭ جاناما سەبەپتەرى عانا. جاقىن ارادا دونالد ترامپ ورتالىق ازياعا قاتىستى ستراتەگياسىن جاريالايتىن بولادى. ال ازىرگە ورتالىق ازيا مەملەكەتتەرىمەن ستراتەگيالىق بايلانىستى ساقتاپ قالۋ، ونى كەڭەيتۋ قانشالىقتى ماڭىزدى ەكەنى ايتىلادى (تاشكەنتتە - اۆت) « ، - دەيدى باس ساراپشى.