قىتاي ەكونوميكاسىنىڭ احۋالى ءبۇتىن الەم ءۇشىن ماڭىزدى - ۇلتتىق بانك

None
None
الماتى. قازاقپارات – ق ر ۇلتتىق بانك ءتوراعاسى ەربولات دوسايەۆ بۇگىن الماتىدا وتكەن باسپا ءسوز ءماسليحاتى بارىسىندا قىتاي ەكونوميكاسى الەمدىك ەكونوميكاعا قانشالىقتى ىقپالى ەتەتىندىگىن ايتتى، دەپ حابارلايدى قازاقپارات ءتىلشىسى.

«بيىل ۇكىمەت، ۇلتتىق بانك جانە جاڭا اگەنتتىك اراسىندا جۇمىستى ۇيلەستىرۋ بويىنشا كەلىسىم جاسالادى. كوكتەمدە مەملەكەت باسشىسىنىڭ ەسكەرتۋلەرىن ەسكەرە وتىرىپ، مەجەلەنگەن ماقساتقا جەتۋ ءۇشىن بارلىق شارا قولدانىلاتىن بولادى. باستى سىن- قاتەرلەر جايلى جىلدىڭ باسىندا ايتىلعان بولاتىن. قازاقستان ەكونوميكاسىنىڭ قۇرىلىمى ءالى دە شيكىزات ساۋداسى بولىپ تۇر. باعالاردىڭ تۇراقسىزدىعى وسىدان شىعىپ جاتىر. ەندى، بيىلعى باستى سىن- قاتەر قىتاي ەكونوميكاسىنىڭ احۋالىنان بولماق» ، - دەدى ە. دوسايەۆ.

ۇلتتىق بانك باسشىسىنىڭ ايتۋىنشا، قازاقستاننىڭ ەۋرووداق، رەسەي، قىتاي سياقتى 3 ءىرى سەرىكتەسى بار. ولار قازاقستان تاۋارى، شيكىزاتى ساتىلاتىن نەگىزگى نارىقتار بولىپ تابىلادى.

«قىتاي ەكونوميكاسىنىڭ احۋالى قازاقستان ءۇشىن عانا ەمەس، بارلىق الەمگە ماڭىزدى. نارىقتاعى قاۋەسەتتەر ءاردايىم قانداي دا ءبىر وزگەرىس ەنگىزىپ وتىرادى. ازيا بيرجالارى اشىلعاننان كەيىن 8 پايىزعا قۇلدىراپ كەتتى. مەنىڭ ويىمشا، كورشىمىزدىڭ جاي- كۇيىن مۇقيات باقىلاۋعا الۋ كەرەك. سوعان سايكەس اقشا نەسيە بويىنشا ءىس ارەكەت جاساۋ قاجەت» ، - دەدى ول.


سوڭعى جاڭالىقتار