ق ح ر سىرتقى ىستەر مينيسترلىگى قازاقستانعا گۋمانيتارلىق كومەگى ءۇشىن العىس ءبىلدىردى

None
None
بەيجىڭ. قازاقپارات – ق ح ر سىرتقى ىستەر مينيسترلىگى كوروناۆيرۋس ىندەتىمەن كۇرەس ءۇشىن جەتكىزىلگەن قازاقستاننىڭ گۋمانيتارلىق كومەگىنە العىس ءبىلدىردى.

بۇل تۋرالى بۇگىن ق ح ر س ءى م رەسمي وكىلى حۋا چۋنين ءمالىم ەتتى، دەپ حابارلايدى قازاقپارات.

«2 - اقپان كۇنگى جاعداي بويىنشا ون ءبىر ەل مەن UNICEF كوروناۆيرۋستىڭ الدىن الۋ جانە ونىمەن كۇرەسۋ ءۇشىن قاجەتتى مەديتسينالىق قۇرالدار تۇرىندە قىتايعا گۋمانيتارلىق كومەك جىبەردى. ولاردىڭ قاتارىندا وڭتۇستىك كورەيا، جاپونيا، ۇلى بريتانيا، فرانسيا، تۇركيا، پاكىستان، قازاقستان، ماجارستان، يران، بەلارۋس جانە ءۇندىستان بار» ، - دەپ مالىمدەدى ق ح ر س ءى م.

«ناعىز دوس قيىنشىلىقتا تانىلادى. ولاردىڭ بارلىعىنا العىسىمىز شەكسىز» ، - دەدى قىتايلىق ەلشى.

سونداي- اق، ول قىتايدىڭ مەديتسينالىق بەتپەردە، قورعانىش كوستيۋم مەن كوزىلدىرىككە مۇقتاج ەكەنىن حابارلادى.

ەسكە سالا كەتەيىك، مەملەكەت باسشىسىنىڭ تاپسىرماسى بويىنشا ق ح ر- عا 13,6 توننا كولەمىندە مەديتسينالىق بۇيىمدار تۇرىندە گۋمانيتارلىق كومەك جەتكىزىلگەن بولاتىن.


سوڭعى جاڭالىقتار