ارمەنيا ءوز ازاماتىن ۋحاننان ەۆاكۋاتسيالاۋعا كومەك كورسەتكەنى ءۇشىن قازاقستانعا العىس بىلدىرەدى
ارمەنيا س ءى م- ءى قىتايداعى ۋحان قالاسىندا بولعان ارمەنيا رەسپۋبليكاسىنىڭ ازاماتى سۋساننا اگادجانيان قازاقستانعا ەۆاكۋاتسيالانعانى تۋرالى ايتتى. ارمەنيا رەسپۋبليكاسى باسپا ءسوز قىزمەتىنىڭ حابارلاۋىنشا، ارمەنيا ازاماتشاسىن قازاقستانعا ەۆاكۋاتسيالاۋ قازاقستاندىق ارىپتەستەرمەن بىرلەسە جۇمىس ىستەۋ ناتيجەسىندە ىسكە اسقان.
«قازاقستانداعى ءبىزدىڭ ارىپتەستەرمەن بىرلەسە جۇمىس اتقارۋدىڭ ناتيجەسىندە ۋحان قالاسىنداعى ارمەنيا ازاماتشاسى سۋساننا اگادجانيان قازاقستانعا ەۆاكۋاتسيالاندى. قازاقستاندىق سەرىكتەستەرىمىزگە ارمەنيانىڭ ءوتىنىشىن جەردە قالدىرماي، ۋاقتىلى نازار اۋدارىپ، قولداۋ بىلدىرگەندەرى ءۇشىن كوپ العىس ايتامىز»، - دەپ جازدى ا ر س ءى م باسپا ءسوز حاتشىسى اننا ناگداليان.
ەسكە سالا كەتسەك، قازاقستان رەسپۋبليكاسىنىڭ 83 ازاماتى وتانىنا ق ر دەنساۋلىق ساقتاۋ مينيسترلىگىنىڭ جەدەل مەديتسينالىق كومەك ۇلتتىق ۇيلەستىرۋ ورتالىعى ارقىلى جەتكىزىلدى، ولاردىڭ 80 ءى ۋحان قالاسىندا وقىپ جاتقان ستۋدەنتتەر بولدى. سونىمەن بىرگە قىرعىز رەسپۋبليكاسى، بەلارۋس رەسپۋبليكاسى جانە ارمەنيا رەسپۋبليكاسىنىڭ بيلىك ورگاندارىنىڭ ءوتىنىشى بويىنشا ول مەملەكەتتەردىڭ ازاماتتارى ۋحان قالاسىنان ەۆاكۋاتسيالاندى.