ا ق ش- تىڭ مەملەكەتتىك حاتشىسى كورونوۆيرۋس تۋرالى: قازاقستاننىڭ جەدەل ارەكەت ەتكەنى تاڭعالدىرادى

None
None
نۇر- سۇلتان. قازاقپارات – ا ق ش- تىڭ مەملەكەتتىك حاتشىسى مايك پومپەو كوروناۆيرۋستىڭ الدىن الۋ پروفيلاكتيكاسى ءۇشىن قازاقستانعا قالاي كومەكتەسەتىندەرىن ايتتى، دەپ حابارلايدى قازاقپارات ءتىلشىسى.

«1 -اقپان كۇنگى كەشكى ۋاقىتتاعى جاعداي بويىنشا اۋرۋدىڭ 46 ىقتيمال جاعدايى تەكسەرىلۋدە (قازاقستاندا) . قازاقستاننىڭ ۆيرۋستىڭ تارالۋىن توقتاتۋعا باعىتتالعان جىلدام ارەكەتى اسەر قالدىرادى. سىزدەردىڭ قىتايمەن شەكارالارىڭىز 1800 شاقىرىمعا سوزىلاتىنى الاڭداتادى» ، - دەيدى مايك پومپەو ق ر س ءى م- دە وتكەن باسپا ءسوز كونفەرەنتسياسىندا.

ونىڭ ايتۋىنشا، اۋرۋلار پروفيلاكتيكاسى جانە باقىلاۋ ورتالىعى (Centers for Disease Control and Prevention) قازاقستاندا دا جۇمىس ىستەيدى. «ءبىز ق ر دەنساۋلىق ساقتاۋ مينيسترلىگىنە اۋرۋدىڭ ىقتيمال جاعدايى بويىنشا مونيتورينگ جۇرگىزۋگە كومەكتەسەمىز. ءبىز سىزدەردىڭ ۇكىمەتتەرىڭىزگە اۋرۋلاردىڭ الدىن الۋ جانە وعان قارسى كۇرەس جونىندەگى نۇسقاۋلىقتاردى ۇسىنامىز، تالداۋدىڭ حالىقارالىق ستاندارتتارعا سايكەس ەكەندىگىنە جانە دياگنوزدىڭ دۇرىستىعىنا كوز جەتكىزۋ ءۇشىن تاجىريبە جانە زەرتحانالىق ماتەريالدارمەن بولىسەمىز. USAID ارقىلى زەرتحانا قىزمەتكەرلەرى مەن مەديتسينالىق قىزمەتكەرلەر ءۇشىن قورعاناتىن زاتتار بەرەمىز. ۆيرۋستان زارداپ شەككەن امەريكالىقتارعا كومەكتەسۋ ءۇشىن دە قولدان كەلگەننىڭ ءبارىن جاسايمىز، قازاقستاندىق دوستارىمىزعا دا وسى ماسەلەمەن كۇرەسۋ ءۇشىن قولدان كەلگەننىڭ ءبارىن جاسايمىز. بۇل ماسەلە بويىنشا كومەكتەسۋدى جالعاستىرا بەرەمىز» ، - دەيدى ول.

سوڭعى جاڭالىقتار