نۇرسۇلتان نازاربايەۆ ا ق ش- تىڭ مەملەكەتتىك حاتشىسى مايك پومپەومەن كەزدەستى
اڭگىمە بارىسىندا مايك پومپەو قازاقستاننىڭ تۇڭعىش پرەزيدەنتىنە ا ق ش پرەزيدەنتى دونالد ترامپتىڭ جىلى لەبىزدەرىن جەتكىزدى. نۇرسۇلتان نازاربايەۆ ەكى ەلدىڭ ستراتەگيالىق سەرىكتەستىگىن نىعايتۋعا باعىتتالعان بىرلەسكەن كۇش- جىگەر مەن قابىلدانعان شارالاردى اتاپ ءوتتى.
- تاۋەلسىزدىكتىڭ باستاپقى كەزەڭىندە ءبىز «شيەۆرون» كومپانياسىمەن كەلىسىم جاسادىق. وسى ساتتەن باستاپ قازاقستانعا امەريكالىق ينۆەستيتسيالار كەلدى. بۇگىنگى تاڭدا بىزدە 410 بىرلەسكەن كاسىپورىن بار. امەريكالىق ينۆەستيتسيالاردىڭ كولەمى 45 ميلليارد دوللاردان استى، - دەدى ەلباسى. ءوز كەزەگىندە مايك پومپەو قازاقستانعا ساپارى جانە كەلىسسوزدەردىڭ ناتيجەلەرى تۋرالى ايتتى.
- مەن پرەزيدەنت قاسىم- جومارت توقايەۆپەن جانە قازاقستاننىڭ سىرتقى ىستەر مينيسترىمەن ماڭىزدى كەزدەسۋلەر مەن كەلىسسوزدەر وتكىزدىم. ءسىز امەريكا قۇراما شتاتتارىنىڭ بۇرىننان كەلە جاتقان دوسىسىز. ەلدەرىمىزدىڭ اراسىندا ءوزارا ءتيىمدى سەرىكتەستىك قالىپتاسقان. قازاقستانداعى وڭ وزگەرىستەر ءسىزدىڭ جەكە ەڭبەگىڭىز دەپ بىلەمىن. ەلدىڭ دامۋ دەڭگەيى دە مەنى ءتانتى ەتتى ، - دەدى ا ق ش - تىڭ مەملەكەتتىك حاتشىسى.