مايك پومپەو: ساۋدا، ينۆەستيتسيالار ماسەلەلەرىن جانە ەكى ەلدىڭ وركەندەۋىن كەڭەيتۋ جولدارىن تالقىلادى

نۇر- سۇلتان. قازاقپارات – ا ق ش مەملەكەتتىك حاتشىسى مايك پومپەونىڭ قازاقستانعا ساپارى باستالدى، دەپ حابارلايدى قازاقپارات.

ۇقساس جاڭالىقتار قازاقستان ەلشىسى چەح رەسپۋبليكاسىنىڭ پرەزيدەنتىنە سەنىم «ءبىزدىڭ بەيبىتشىلىككە، وركەندەۋگە جانە قاۋىپسىزدىككە نەگىزدەلگەن ا ق ش پەن قازاقستان اراسىنداعى ستراتەگيالىق قارىم- قاتىناستاردىڭ ماڭىزدىلىعىن راستاۋ ءۇشىن نۇر- سۇلتانعا كەلگەنىمە قۋانىشتىمىن. مەن ساۋدا، ينۆەستيتسيالار ماسەلەلەرىن جانە ەكى ەلدىڭ وركەندەۋىن كەڭەيتۋ جولدارىن تالقىلاۋدى اسىعا كۇتەمىن» ، - دەپ جازدى مايك پومپەو Twitter- دە.

مايك پومپەو قازاقستان استاناسىنا سەنبى كۇنى كەشكىسىن ۇشىپ كەلدى. ا ق ش- تىڭ مەملەكەتتىك حاتشىسى ەل باسشىلىعىمەن ەكىجاقتى جانە وڭىرلىك ىنتىماقتاستىقتىڭ پەرسپەكتيۆالارىن، سونداي- اق جاھاندىق كۇن تارتىبىندەگى وزەكتى ماسەلەلەردى تالقىلايدى. اقپاراتقا سايكەس، ساپار اياسىندا م. پومپەونىڭ ەل باسشىلىعىمەن جانە ق ر سىرتقى ىستەر ءمينيسترى مۇحتار تىلەۋبەردىمەن كەزدەسۋى قاراستىرىلعان. ەسكە سالايىق، مايك پومپەونىڭ ۋكراينا، بەلارۋس، قازاقستان، وزبەكستان جانە كيپرگە ساپارى 3-7 - قاڭتارعا جوسپارلانعان ەدى. ول قازاقستانعا 5 - قاڭتاردا كەلۋى كەرەك. 2 - قاڭتاردا ا ق ش مەملەكەتتىك حاتشىسى باعدادتاعى امەريكالىق ەلشىلىك عيماراتىنداعى تارتىپسىزدىكتەرگە بايلانىستى قازاقستاندى قوسا العاندا، بەس ەلگە جوسپارلانعان ساپاردى كەيىنگە قالدىرعانى بەلگىلى بولدى.