سەمەيدە حالىقارالىق ورامال كۇنىنە وراي كورمە اشىلدى
ف. دوستويەۆسكي اتىنداعى ادەبي-مەموريالدىق مۋزەيىندە اشىلعان كورمە «رۋحاني قازىنا» باعدارلاماسى اياسىندا ۇيىمداستىرىلعان. كوپشىلىك نازارىنا تاقيا، كيمەشەك، ساۋكەلە سىندى 30 عا جۋىق قازاقتىڭ باس كيىمدەرى قويىلدى. سونداي-اق كورمەدە «ايشا ءبيبى» قازاق مادەني ورتالىعىنىڭ ءتورايىمى ايمان بوقپاساروۆانىڭ جەكە قورىنداعى ورامالدار دا ۇسىنىلعان.
«حالىقارالىق ورامال كۇنى مەرەكەسى قارساڭىندا جاستاردى قازاقتىڭ باس كيىمدەرىمەن تانىستىرعىمىز كەلدى. كورمەگە ءتۇرلى ورامالدار قويىلعان. بۇل ءىس-شارا العاش رەت نيۋ-يوركتە 2004-جىلى وتكىزىلىپتى. ەندى بيىل تۇڭعىش رەت سەمەي قالاسىندا ۇيىمداستىرىلدى. ورامال - تازالىق پەن قاراپايىمدىلىقتىڭ سيمۆولى»، - دەيدى مۋزەيدىڭ ەكسكۋرسيا سەكتورىنىڭ مەڭگەرۋشىسى سالتانات سەكسەمبايەۆا.
كورمەگە جيىلعان جۇرت باس كيىمدەردى كيىپ كورۋگە دە مۇمكىندىك الدى.
