الماتى وبلىسىندا كوروناۆيرۋس تۋرالى جالعان اقپارات تاراتقان دارىگەر ۇستالدى
«الەۋمەتتىك جەلىنى مونيتورينگىلەۋ بارىسىندا مەديتسينا قىزمەتكەرىنىڭ الەۋمەتتىك جەلى ارقىلى جالعان اقپاراتتى تاراتۋ فاكتىسى انىقتالدى. اتالعان فاكت ق ر ق ك- ءنىڭ 274-بابى 2-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىندە تىركەلگەن»، دەلىنگەن حابارلامادا.
«تەكسەرۋ ءىس-شارالارىن وتكىزۋدىڭ العاشقى ساعاتىندا ەر ادامنىڭ جەكە باسى بەينەجازبادان انىقتالدى. ول ا. دەگەن ازامات، 1980-جىلى تۋعان، الماتى وبلىسى ەڭبەكشىقازاق اۋدانىنىڭ ورتالىق اۋرۋحاناسىندا دارىگەر-گينەكولوگ بولىپ جۇمىس ىستەيدى. قازىر ۇستالدى. ول جالعان اقپارات تاراتقانىن مويىندادى، وكىنەتىنىن ايتتى. قازىر اۋداندىق پوليتسيا باسقارماسى تەرگەۋ ءىس-شارالار كەشەنىن جۇرگىزۋدە، ونىڭ ناتيجەسىندە قىلمىستىق ءىس بويىنشا تۇپكىلىكتى پروتسەسسۋالدىق شەشىم قابىلدانادى»، - دەدى الماتى وبلىسى پوليتسيا دەپارتامەنتىنىڭ باستىعى پوليتسيا گەنەرال-مايورى سەرىك كۇدەبايەۆ.
سونىمەن قاتار، پوليتسيا جالعان مالىمەت تاراتقانى ءۇشىن قىلمىستىق جاۋاپكەرشىلىك تۋرالى ەسكە سالدى.
«كوپتەگەن جاعدايلاردا كەيبىر ازاماتتار جالعان مالىمەتتەردى تاراتۋعا تىيىم سالىنعانىن بىلمەگەنىن العا تارتادى. ءبىراق، زاڭدى بىلمەۋ جاۋاپكەرشىلىكتەن بوساتپايدى. وسىعان بايلانىستى جۇرتشىلىقتى نەگىزسىز ۇرەي مەن دۇرلىكپەۋ ءۇشىن مەملەكەتتىك ورگانداردىڭ تەك رەسمي حابارلامالارىن باسشىلىققا الۋعا جانە كۇماندى كوزدەردىڭ اقپاراتتارىن تاراتۋعا قاتىسپاۋعا شاقىرامىز»، - دەپ تۇيىندەدى سەرىك كۇدەبايەۆ.
ەستەرىڭىزگە سالا كەتەيىك، ق ر ق ك- ءنىڭ 274-بابىنىڭ 2-بولىگىنە سايكەس ب ا ق جانە اقپاراتتىق-كوممۋنيكاتسيالىق جەلىلەر ارقىلى كورىنەۋ جالعان اقپارات تاراتۋ 3 مىڭ ا ە ك- كە دەيىنگى مولشەردە ايىپپۇل سالۋعا، نە سول مولشەردە تۇزەۋ جۇمىستارىنا، نە 800 ساعاتقا دەيىنگى مەرزىمگە قوعامدىق جۇمىستارعا تارتۋعا، نە 3 جىلعا دەيىنگى مەرزىمگە باس بوستاندىعىن شەكتەۋگە، نە سول مەرزىمگە باس بوستاندىعىنان ايىرۋعا جازالانادى.
ەسكە سالا كەتسەك، الەۋمەتتىك جەلىدە تاراعان ۆيدەودا ءوزىن ەلوردالىق دارىگەرمىن دەپ تانىستىرعان ەر ادام كوروناۆيرۋستىڭ الماتىدا 70 گە جۋىق ادامعا جۇققانىن ايتادى.
ق ر دەنساۋلىق ساقتاۋ مينيسترلىگى اتالمىش ۆيدەونىڭ جالعان ەكەندىگىن رەسمي مالىمدەپ، جالعان اقپارات تاراتقاندار ق ر قىلمىستىق كودەكسىنىڭ 274-بابىنا سايكەس قىلمىستىق جاۋاپكەرشىلىككە تارتىلاتىنىن جەتكىزدى.