+7 (701) 759 90 19
-11 °С : نۇر-سۇلتان
-7 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

اۆستراليالىق عالىمدار كوروناۆيرۋستىڭ كوشىرمەسىن جاساپ شىعاردى

29 قاڭتار 20:48
:ءبولىسۋ
اۆستراليالىق عالىمدار كوروناۆيرۋستىڭ كوشىرمەسىن جاساپ شىعاردى

نۇر-سۇلتان. قازاقپارات - اۆستراليا عالىمدارى قىتايدا پايدا بولعان جاڭا كوروناۆيرۋستى زەرتحانادا قايتا جاساپ شىعاردى، دەپ حابارلايدى «حابار 24».

ماماندار قاۋىپتى دەرتتىڭ كوشىرمەسىن وتكەن جۇما كۇنى العان ۇلگىگە قاراپ مەلبۋرنداعى ارنايى زەرتحانادا دايىنداعان. عالىمدار بۇل جەتىستىك ۆيرۋستى انىقتاپ، ەمدەۋگە سەپتىگىن تيگىزەدى دەپ وتىر.

«ول قاۋىپتى دەرتتى ادامدا ونىڭ بەلگىلەرى بايقالا قويماعان كەزدە انىقتاۋعا مۇمكىندىك بەرەدى»، - دەيدى. اۆستراليا عالىمدارى وزدەرىنىڭ جەتىستىگىن دۇنيەجۇزىلىك دەنساۋلىق ساقتاۋ ۇيىمىنا جىبەرمەك ويدا.

مايك كەتتون، ۆيكتوريا شتاتىنداعى جۇقپالى اۋرۋلار زەرتحاناسىنىڭ ديرەكتورى:

- ءبىزدىڭ قايتا جاساپ شىعارعان كوروناۆيرۋسىمىز ۆاكسينانىڭ تيىمدىلىگىن باعالاۋعا مۇمكىندىك بەرەدى. ول سونداي- اق، ادام اعزاسىندا اۋرۋعا قارسى تۇراتىن زاتتاردىڭ العاشقى بۋىنىن سىناۋعا كومەكتەسەدى. بۇل - ناۋقاستاردى ەمدەۋ ءۇشىن وتە ماڭىزدى.

اۆستراليادا كوروناۆيرۋسقا قازىرگە دەيىن 6 ادام شالدىققانى بەلگىلى. جەرگىلىكتى بيلىك ۋحانداعى 600 ازاماتىن ارنايى ۇشاقپەن كەرى قايتارىپ، ءۇندى مۇحيتىنداعى روجدەستۆو ارالىنا ورنالاستىرۋدى جوسپارلاپ وتىر. ولار بۇل جەردە قاۋىپتى دەرتتى جۇقتىرماعانى انىقتالعانشا 2 اپتاداي قالاتىن بولادى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات