بيوحيميكتەر سەمىرۋدىڭ باستى سەبەبىن ايتتى

None
None
نۇر- سۇلتان. قازاقپارات – امەريكالىق بيوحيميكتەر سەمىرۋدىڭ باستى سەبەبىن ايتتى. ولاردىڭ زەرتتەۋ ناتيجەسى بويىنشا ارتىق سالماقتىڭ قوسىلۋىنا باستى سەبەپ - جاسۋشاىشىلىك اقۋىزداردىڭ مۋتاتسياسى.

ديۋك ۋنيۆەرسيتەتىنىڭ ماماندارى ءوز جاڭالىقتارىن جوعارعى وقۋ ورىنىنىڭ سايتىندا جاريالادى.

عالىمدار تىشقانعا تاجىريبە جاساۋ بارىسىندا انكيرين- B گەنىنە جاتاتىن توپتىڭ جىلدام ارتىق سالماق قوساتىنىن انىقتاعان. مامانداردىڭ ايتۋىنشا بۇل گەن Glut4 اقۋىزىنىڭ جۇمىسىن رەتتەيدى، ءوز كەزەگىندە ول ماي جاسۋشالارىنىڭ گليۋكوزانى قابىلداۋىن انىقتايدى. بۇل ادامداردا دا جانە تىشقاندار دا بىردەي قىزمەت اتقارادى ەكەن.

- ءبىزدىڭ ويىمىزشا، وسى گەننىڭ ارقاسىندا كەزىندە اتا- بابامىز اشتىق زاماندارى كەزىندە امان قالعان. الايدا قازىرگى ۋاقىتتا تاماق ىشۋگە ەشكىم زار بولىپ جاتپاعاندىقتان، انكيريننىڭ مۋتاتسياسى سەمىزدىكتىڭ ەپيدەمياسىنا اينالۋى مۇمكىن، - دەيدى بيوحيميا پروفەسسورى دجوردج گەللەر.

عالىمدار اشقان جاڭالىعى ارقىلى سەمىزدىكتىڭ باستى سەبەبى دۇرىس تاماقتانباۋ (ديەتا) جانە كالوريالىق تاعامداردى كوپ پايدالانۋ بولىپ تابىلاتىنىن جوققا شىعاراتىنىن ايتادى. جاقىن ارادا ماماندار زەرتحانادان شىعىپ، ارتىق سالماقتىڭ سالدارىنان زارداپ شەككەن ادامدارمەن جۇمىس ىستەيتىندەرىن مالىمدەدى.

https://oinet.kz/


سوڭعى جاڭالىقتار