+7 (701) 759 90 19
3 °С : نۇر-سۇلتان
11 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

قازاقستاننان قىتايعا ۇشاق، اۆتوبۋس پەن پويىز قاتىناسى قاي ۋاقىتقا دەيىن توقتاتىلدى

29 قاڭتار 19:11
:ءبولىسۋ
قازاقستاننان قىتايعا ۇشاق، اۆتوبۋس پەن پويىز قاتىناسى قاي ۋاقىتقا دەيىن توقتاتىلدى

نۇر- سۇلتان. قازاقپارات - قازاقستاننان قىتايعا ۇشاق، اۆتوبۋس پەن پويىز قاتىناسى قاي ۋاقىتقا دەيىن توقتاتىلدى؟ بۇل سۇراققا ق ر ي ي د م كولىك كوميتەتىنىڭ ءتوراعاسى سامات عىلىموۆ جاۋاپ بەردى، دەپ حابارلايدى قازاقپارات ءتىلشىسى.

ايتا كەتسەك، بۇعان دەيىن ق ر ۇكىمەتى جانىنداعى ۆەدومستۆوارالىق كوميسسيا قازاقستان اۋماعىندا كوروناۆيرۋستىڭ تارالۋىنا جول بەرمەۋ بويىنشا ءبىرقاتار قوسىمشا قورعانۋ شارالارىن قابىلداعان بولاتىن.

وسى شارالارعا سايكەس، قازاقستان مەن قىتاي اراسىنداعى ۇشاق، اۆتوبۋس پەن پويىز قاتىناسى ۋاقىتشا توقتاتىلادى. ال «ۋاقىتشا» دەگەن ءسوز قانداي مەرزىمدى بىلدىرەدى؟ تىلشىلەردىڭ بۇل سۇراعىنا سامات عىلىموۆ جاۋاپ بەردى.

«جالپى، بولجاۋىمشا جاعداي تۇزەلگەنگە دەيىن وسى شەكتەۋ كۇشىندە بولادى. ب ا ق- تان حابارلاعانداي، قىتاي تاراپى كوروناۆيرۋستىڭ شىرقاۋ شەگى الداعى ءبىر اپتادا وتەتىنىن جازىپ جاتىر. سول سەبەپتى، بۇل سۇراققا جاعداي تۇراقتالعانشا دەپ جاۋاپ بەرەر ەدىم»، - دەدى سامات عىلىموۆ.

ال ەكى ەل اراسىنداعى لوگيستيكالىق قارىم- قاتىناسقا قويىلعان شەكتەۋ ەكونوميكاعا قانشالىقتى شىعىن كەلتىرۋى مۇمكىن؟ بۇل سۇراققا جاۋاپ بەرگەن سامات عىلىموۆ ازىرگە بۇل سۇراققا جاۋاپ بەرۋ مۇمكىن ەمەس ەكەنىن ايتادى.

«جۇك تاسىمالى بويىنشا ەكى ەل اراسىندا ەشقانداي شەكتەۋ قويىلعان جوق. ال جالپى ول شىعىننىڭ ەسەبى جاعداي تۇراقتالعاننان كەيىن ءبىراق بەلگىلى بولادى»، - دەدى ول.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات