+7 (701) 759 90 19
-10 °С : نۇر-سۇلتان
1 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

ءال- فارابي - الەمدىك دەڭگەيدەگى تۇلعا: ءابساتتار دەربىسالى

29 قاڭتار 22:06
:ءبولىسۋ
ءال- فارابي - الەمدىك دەڭگەيدەگى تۇلعا: ءابساتتار دەربىسالى

الماتى. قازاقپارات - ءال- فارابي قازاق حالقىنىڭ ماقتانىشى، الەمدىك دەڭگەيدەگى تۇلعا. بۇل تۋرالى ر. ب. سۇلەيمەنوۆ اتىنداعى شىعىستانۋ ينستيتۋتىنىڭ ديرەكتورى ءابساتتار دەربىسالى ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، ءبىز ءال- فارابيدى، ابايدى ناسيحاتتاۋ ارقىلى قازاقستاندى ناسيحاتتايمىز. قازاق ەلىن الەمگە تانىتامىز.

«ءال- فارابي تەك قازاق حالقىنىڭ عانا ەمەس الەمدىك دەڭگەيدەگى تۇلعا. ءبىز ءال- فارابي مەن ابايدى كوتەرۋ ارقىلى ەلىمىزدى كوتەرىپ، ناسيحاتتاپ جاتىرمىز. وسى تۇلعالار ارقىلى تاۋەلسىز ەلىمىزدىڭ بەدەلىن ارتتىرىپ وتىرمىز. بۇل كىسى ءومىر بويى ءبىلىم ىزدەگەن ادام. ونى ناسيحاتتاۋ ءار ادامنىڭ پارىزى دەپ ويلايمىن. ول كەلەشەك ۇرپاق ءۇشىن قاجەت. رەسمي دەرەكتەرگە سۇيەنەر بولساق، 200-گە جۋىق شىعارما جازعان ادام. سونىڭ 100-گە جۋىعى بىزگە جەتىپ وتىر. ءال - فارابيدى ءالى دە زەرتتەۋ قاجەت. ول قۇپياعا تولى تۇلعا»، - دەدى ءابساتتار دەربىسالى.

شىعىس تانۋشى وسىدان ەلۋ جىل بۇرىن ءابۋ ناسىر ءال- فارابيدىڭ 1100 جىلدىعىنا ارنالعان كونفەرەنسياعا قاتىسقانىن ايتتى.

«1975 -جىلى الماتى قالاسىندا ءال- فارابيدىڭ 1100 جىلدىق كونفەرەنسياسىنا قاتىسقان ەدىم. سودان بەرى جارتى عاسىر ۋاقىت ءوتتى، تالاي دۇنيە وزگەردى. قازاقستان تاۋەلسىز ەل بولدى. ءال- فارابي بابامىزدىڭ مۇراسى تەرەڭىرەك زەرتەلە باستادى، ونىڭ اتىمەن وسى جوعارى وقۋ ورنى اتالادى. سونىمەن قاتار ، ويشىلدىڭ ەسىمى كوشەلەرگە بەرىلىپ جاتىر. وسىنىڭ ءوزى ۇلكەن باقىت»، - دەيدى ول.

بۇگىن قازاقستان ءال- فارابيدىڭ 1150 جىلدىعىن مەرەكەلەۋدى رەسمي تۇردە باستادى.

فوتو: anatili.kazgazeta.kz

اۆتور: الما مۇقانوۆا



باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات