+7 (701) 759 90 19
-6 °С : نۇر-سۇلتان
2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

كوروناۆيرۋس: دارىگەرلەر قىتايدان كەلگەن ازاماتتاردىڭ جارتىسىمەن حابارلاستى

29 قاڭتار 18:27
:ءبولىسۋ
كوروناۆيرۋس: دارىگەرلەر قىتايدان كەلگەن ازاماتتاردىڭ جارتىسىمەن حابارلاستى

نۇر- سۇلتان. قازاقپارات - قازاقستاننىڭ باس سانيتار دارىگەرى جانداربەك بەكشين 6 - قاڭتاردان كەيىن قىتايدان قازاقستانعا كەلگەن ازاماتتاردى باقىلاۋ جۇمىستارى تۋرالى ايتىپ بەردى، دەپ حابارلايدى قازاقپارات ءتىلشىسى.

«مۇنداعى اڭگىمە قىزۋى كوتەرىلگەن بارلىق تۇرعىندار ەمەس، 6 - قاڭتاردان كەيىن ق ح ر اۋماعىنان كەلگەندەر تۋرالى بولىپ وتىر. 6 - قاڭتاردان بۇگىن تاڭعى 7:00-گە دەيىن ق ح ر مەن قازاقستاننىڭ مەملەكەتتىك شەكاراسىنداعى وتكىزۋ بەكەتتەرىنەن 12610 ادام ءوتتى. ونىڭ اراسىندا 12365 ادام - قازاقستان ازاماتتارى، 245 - شەتەلدىكتەر. قازاقستاننىڭ بارلىق وڭىرلەرىندەگى مەديتسينالىق ماماندار وسى جولاۋشىلاردىڭ 51 پايىزىن (6449 ادام) حابارلاسىپ، جاعدايىن سۇرادى. ولارعا حابارلاسىپ، ەسەپكە قويۋدى جالعاستىرامىز»، - دەدى ج. بەكشين ورتالىق كوممۋنيكاتسيالار قىزمەتىندە وتكەن بريفينگتە.

ازىرگە 35 ادام جەكە بوكستارعا وقشاۋلاندىرىلدى. ونىڭ 22-سىنە – ج ر ۆ ي، 4 - تۇماۋ جانە بىرەۋىنە - تۇماۋ مەن پاراگريپپ دياگنوزدارى قويىلدى.

«وسىلايشا، 27 ادام ماۋسىمدىق اۋرۋمەن اۋىرىپ جاتىر. اۋرۋحاناعا تۇسكەن تاعى 8 ادامنان سىناما الىپ، الماتىداعى ايتىمبايەۆ اتىنداعى اسا قاۋىپتى ينفەكسيالار ۇلتتىق عىلىمي ورتالىعىنا جىبەردىك. بۇل ورتالىق جاڭا كوروناۆيرۋستى دياگنوستيكالايتىن پوليمەرازدى تىزبەكتى رەاكسيا ادىستەمەسىن مەڭگەرگەن. قازاقستاندا كوروناۆيرۋس ينفەكسياسىن بولدىرماۋدىڭ بار رەسۋرسى جەتكىلىكتى. دۇنيەجۇزىلىك دەنساۋلىق ساقتاۋ ۇيىمىمەن جانە رەسەيمەن ءوزارا كاسىبي كومەك جونىندە ۋاعدالاستىق»، - دەدى باس سانيتار دارىگەر.

اۆتور: ايجان سەرىكجان قىزى


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات