قىزىلوردا مەن جامبىل وبلىسىنداعى ناۋقاستاردان كوروناۆيرۋس تابىلعان جوق - بەكشين

نۇر- سۇلتان. قازاقپارات - قازاقستاننىڭ باس سانيتار دارىگەرى جانداربەك بەكشين قىزىلوردا مەن جامبىل وبلىستارىنداعى ناۋقاستاردىڭ جاي- كۇيى تۋرالى ايتىپ بەردى، دەپ حابارلايدى قازاقپارات ءتىلشىسى.

« قىزىلوردادا ناۋقاس دەنە قىزۋىمەن جانە باس اۋرىمەن اۋرۋحاناعا ءتۇستى. سۇراۋ بارىسىندا انىقتالعانداي، سىرقات جۋىنعان سوڭ ۆاگوندا اشىق تەرەزە استىندا ۇيىقتاپ قالعان. ول تاياۋدا قىتايدىڭ حاينان ارالىنان ورالعاندىقتان بولەك بوكسقا وقشاۋلاندىرىلدى. قازىرگى ۋاقىتتا پاتسيەنت جۇرەك- قانتامىر جۇيەسى اۋرۋلارىنا شاعىمدانبايدى، قىزۋى جوق، بارلىق قاجەتتى دياگنوستيكا جۇرگىزىلۋدە»، - دەدى ج. بەكشين ورتالىق كوممۋنيكاتسيالار قىزمەتىندە وتكەن بريفينگتە.

جامبىل وبلىسىندا ەكى ناۋقاسقا ج ر ۆ ي دياگنوزى قويىلدى. جاعدايلارى قاناعاتتانارلىق، تەمپەراتۋرا قالىپتى.

الماتى وبلىسىنداعى ازاماتتاردىڭ جاعدايى دا قالىپتى. ولار پانفيلوۆ اۋداندىق اۋرۋحاناسىندا تەكسەرۋدەن ءوتتى. قازىر ولاردى شىعارۋ ماسەلەسى شەشىلۋدە.

اۆتور: ايجان سەرىكجان قىزى